Minsk zapaliŭ «zialonaje śviatło»

Admova ŭ pracaŭładkavanni z‑za adsutnasci rehistracyi ŭ stalicy — biespadstaŭnaja.

«Prapišu ŭ Minsku ci ŭ Minskim rajonie» — siońnia šmatlikija abjavy padobnaha źmiestu možna pabačyć na słupach, stancyjach mietrapalitena, aŭtavakzałach. Pryčym, zrazumieła, što sama pa sabie pasłuha prapanoŭvajecca nie za «dziakuj». Žycharam inšych rehijonaŭ krainy prapanoŭvajecca zarehistravacca ŭ najbujniejšym horadzie krainy za niekalki sotniaŭ «umoŭnych adzinak» u hod. I pierš‑napierš — nibyta za mahčymaść lehalnaha pracaŭładkavańnia ŭ stalicy. Ale nasamreč — pa sutnasci za ništo.

Najmalniki nie ryzykujuć

Abaviazkovy pakiet dakumientaŭ, što padajecca pry pracaŭładkavanni, źjaŭlajecca vielmi abmiežavanym i standartnym dla ŭsich žycharoŭ Biełarusi biez vyklučeńnia. U pryvatnasci, Pracoŭny kodeks vyznačaje: u pakiet uvachodziać dypłomy ci paśviedčanni ab adukacyi, a pry najaŭnasci — taksama pracoŭnaja knižka, nakiravańnie na ŭładkavańnie za košt broni dla asobnych katehoryj rabotnikaŭ, zaklučeńnie miedyka‑reabilitacyjnaj kamisii ab stanie zdaroŭja invalida, vajenny bilet. Siudy ž dadajecca i pašpart. Ale nie dla pravierki «prapiski». A prosta dla śviedčańnia asoby.

— Sapraŭdy, praciahły čas pracaŭładkavańnie inšaharodnich asobaŭ u stalicy mieła peŭnyja asablivasci, — raspaviadaje hałoŭny śpiecyjalist jurydyčnaha adździeła ŭpraŭleńnia arhanizacyjna‑kadravaj i pravavoj raboty kamiteta pa pracy, zaniatasci i sacyjalnaj abaronie Minharvykankama Natalla Jasinskaja. — U pryvatnasci, možna nahadać: niekali najmalnikam pry pryjomie žycharoŭ blizkich da stalicy rehijonaŭ było nieabchodna prainfarmavać słužby zaniatasci, a pry pryjomie žycharoŭ rehijonaŭ bolš addalenych — patrabavałasia ŭzhadnieńnie harvykankama. I ŭ apošnim vypadku, za vyklučeńniem uładkavańnia najbolš zapatrabavanych u Minsku śpiecyjalistaŭ, najmalniki ŭnosili za zaprašeńnie inšaharodnich płatu na razvićcio staličnaj infrastruktury.

Adnak zaraz — paradak užo inšy. Z pačatku minułaha hoda ŭzhadnieńni nie patrabujucca ŭvohule,

minskija najmalniki atrymali mahčymaść prymać rabotnikaŭ niezaležna ad taho, jakuju rehistracyju jany majuć. Pryčym varta padkreslić: nijakaj adkaznasci za ŭładkavańnie hramadzian našaj krainy z rehistracyjaj u inšych nasielenych punktach abo ŭvohule biez rehistracyi najmalniki siońnia nie niasuć.

Praŭda, pakłapacicca ab rehistracyi pavinien sam hramadzianin. U advarotnym vypadku jon moža być pryciahnuty da administracyjnaj adkaznasci. Pieršym razam heta budzie prosta papiaredžańnie. A druhi vyjaŭleny fakt pražyvańnia biez rehistracyi na praciahu hoda paśla papiaredžańnia zakončycca štrafam ad 2 da 4 bazavych vieličyń. Abo na siońnia — štrafam ad 70 da 140 tysiač rubloŭ.

— U inšaharodnich hramadzian jość dva varyjanty rehistracyi — pa miescy žycharstva abo pa miescy znachodžańnia, — praciahvaje Natalla Jasinskaja. — Tak, dla rehistracyi pa miescy žycharstva ŭ Minsku daviadziecca pašukać svabodnuju žyłpłošču: 20 kvadratnych mietraŭ, abo ŭ vypadku pasialeńnia ŭ internatach — 6 «kvadrataŭ». Dla rehistracyi ž pa miescy znachodžańnia pošukaŭ svabodnych kvadrataŭ nie treba, dastatkova tolki znajsci ŭłasnika žyłoha pamiaškańnia.

Niepasredna termin rehistracyi pa miescy znachodžańnia abmiežavany hodam. Adnak nichto nie zabaraniaje praz toj ža hod pierarehistravacca znoŭ. I tak — praktyčna da biaskoncasci. U suviazi z hetym prapanovy «prapisacca» za vialikija hrošy vyhladaje prynamsi niedarečnaj. Asabliva kali ŭziać pad uvahu viadomy fakt: u bolšasci žycharoŭ inšych rehijonaŭ u stalicy jość svajaki.

Piensijny staž nie prapadzie

Nie źjaŭlajucca słušnymi spasyłki na adsutnaść staličnaj rehistracyi i jašče z adnoj pryčyny. Sama pa sabie heta akaličnaść nie moža źjaŭlacca padstavaj dla jakich‑niebudź abmiežavańniaŭ rabotnikaŭ z inšych rehijonaŭ pa apłacie pracy. Ci pa mahčymaściach karystańnia tymi ž harantyjami kalektyŭnych dahavoraŭ. Pravy inšaharodnich rabotnikaŭ ničym nie adroznivajucca ad pravoŭ rabotnikaŭ‑minčan.

— Pry hetym tyja ž inšaharodnija mohuć karystacca balničnymi, dekretnymi vodpuskami, zaniataść u stalicy abaviazkova pojdzie ŭ piensijny staž — pakolki ŭsie rabotniki padlahajuć dziaržaŭnamu sacyjalnamu strachavańniu, — zaznačaje Natalla Jasinskaja. — I, darečy, nijakaj ryzyki, što ŭ vypadku niesupadzieńnia miescaŭ žycharstva, rehistracyi i pracy źviestki ab sacstrachu kudy‑niebudź «zniknuć», niama. Bo z pačatku 2003 hoda ŭ nas uviedziena sistema piersanifikavanaha ŭliku adličeńniaŭ. Pryčym bank hetych źviestak — ahulny pa krainie.

Chto patrabujecca stalicy?

Admaŭlać u pryjomie na pracu z pryčyny adsutnasci staličnaj rehistracyi nielha. Adnak niališnie zaŭvažyć, što

kančatkovaje rašeńnie tut u lubym vypadku zaležyć vyklučna ad najmalnika.

Bo toj ža najmalnik vybiraje, ci patrebny jamu kankretny śpiecyjalist. Tak, kožnuju admovu možna asprečyć u sudzie. Razam z tym padčas razboru daviadziecca pryviesci peŭnyja arhumienty. Miž tym, sabrać takija arhumienty składana, dastatkova skazać, što pavodle zakanadaŭstva piśmovyja tłumačenni ab matyvach admovy najmalniki abaviazanyja davać tolki niekatorym katehoryjam — u pryvatnasci, hramadzianam, što nakiroŭvajucca na ŭładkavańnie pa raźmierkavanni ci ŭ lik broni słužby zaniatasci, rabotnikam, što zaprašajucca ad adnaho najmalnika da druhoha pieravodam, žančynam z pryčyny ciažarnasci abo najaŭnasci dziaciej va ŭzroście da 3 hadoŭ, adzinokim maci, jakija majuć dzicia va ŭzroście da 14 abo dzicia‑invalida — va ŭzroście da 18 hadoŭ.

I ŭsio ž nielha nie adznačyć: niahledziačy na vierahodnaść admovy, šancy na ŭładkavańnie ŭ stalicy inšaharodnich dastatkova vialikija. Užo z adnoj pryčyny. Pavodle apieratyŭnych źviestak, siońnia ŭ Minsku naličvajecca prykładna 4,9 tysiačy biespracoŭnych. Ale adnačasova — i 13,9 tysiačy svabodnych miescaŭ. Mahčyma, siaredni ŭzrovień apłaty pracy pa vakansijach i nie nadta vysoki — u miežach 700‑800 tys. rubloŭ. Ale, naprykład, u siaredzinie hoda amal kožnaje piataje zaprašeńnie na pracu było «padmacavanaje» bolš čym miljonam.

Pry hetym, jak zaŭvažajuć u kamitecie pa pracy, zaniatasci i sacyjalnaj abaronie Minharvykankama, najbujniejšamu horadu krainy patrabujecca dastatkova vialikaja kolkaść rabočych budaŭničych śpiecyjalnaściaŭ, ślesaraŭ, vadzicielaŭ i mašynistaŭ, rabočych‑stanočnikaŭ, mantažnikaŭ, elektrykaŭ‑elektramancioraŭ, zvarščykaŭ, handlaroŭ. A taksama — śpiecyjalistaŭ achovy zdaroŭja, vychavalnikaŭ, buchhałtaraŭ, technikaŭ, supracoŭnikaŭ milicyi, zahadčykaŭ, kiraŭnikoŭ i načalnikaŭ strukturnych padraździaleńniaŭ, majstroŭ i prarabaŭ.

• 0
• 0
• 0
• 0
• 0
• 0
• 0
• 0