Ź Biełarusi ŭ Litvu sprabavali vyvieźci dva rarytetnyja aŭtamabili HAZ vypusku 1930-ch hadoŭ, adnak mytniu jany nie prajšli, paviedamlaje Dziaržaŭny mytny kamitet.
Hramadzianka Litvy i jaje naparnik-biełarus pryjechali na redkich «Haz A» i «Haz M1» na punkt propusku «Kamienny Łoh». Jany mieli namier pierasiačy miažu pa «zialonym kalidory», adnak u ich ničoha nie atrymałasia.
Rarytetnyja mašyny pryciahnuli ŭvahu mytnikaŭ, jakija vyrašyli pravieryć transpart. Jak akazałasia, vintažnyja aŭtamabili 1933 i 1939 hoda vypusku zarehistravanyja ŭ Rasii i adnosiacca da katehoryi kulturnych kaštoŭnaściaŭ. Heta aznačaje, što mašyny padlahajuć mytnamu dekłaravańniu, a kiroŭcam treba mieć na rukach dazvoł na ich vyvaz.
Pakolki patrebnych papier u litoŭki i biełarusa nie akazałasia, ich z krainy nie vypuścili.
Adznačajecca, što vintažnyja mašyny ŭ sumie kaštujuć bolš za 79 tys. biełaruskich rubloŭ («Haz M1» — 46 tys. i «Haz A» — 33 tys.).
Čytajcie taksama:
«Za 100 000 dalaraŭ možna ŭsie mašyny pradać, ale ja nie pradaju». Hrodzieniec sabraŭ unikalnuju kalekcyju retraaŭtamabilaŭ
Učora Minsk znoŭ zatapiła. Čamu stalica nie hatovaja da daždžoŭ?4
Kamientary