U łahojskich lasach zabłukaŭ 85-hadovy rasijanin, jaho šeść kiłamietraŭ nieśli na rukach
Ratavalniki z Łahojskaha rajona vyratavali ŭ lesie pažyłoha mužčynu, jaki pajšoŭ hulać pa nieznajomym lesie i zabłukaŭ tak, što ŭ im i zanačavaŭ, paviedamlaje telehram-kanał «Łahojsk (nie)aficyjna».
Łahojskija ratavalniki atrymali infarmacyju pra toje, što na poŭnačy rajona treba šukać čałavieka, 1 śniežnia ŭ 2 hadziny 55 chvilin. Papiarednie było viadoma, što źnikły mužčyna 1937 hoda naradžeńnia, jon hramadzianin Rasii, jaki adpačyvaŭ u sanatoryi «Lasny» pablizu vioski Damaškavičy Dokšyckaha rajona. Kala 4-j hadziny dnia jon vypraviŭsia na prahułku ŭ les i nie viarnuŭsia.
Žonka mužčyny paviedamiła pra źniknieńnie muža ŭ Dokšycki RAUS uviečary. Paśla niaŭdałych pošukaŭ dokšyckija siłaviki, nie daŭšy rady sami, paprasili dapamohi ŭ susiedziaŭ z Łahojščyny. I jany, pračesvajučy ŭsiu noč les pa śladach na śniezie, u 5:39 pažyłoha mužčynu taki znajšli.
Z-za mocnaha pieraachaładžeńnia čałaviek užo praktyčna nie moh ruchacca, ratavalnikam daviałosia raźvieści vohnišča, abahreć mužčynu i prasušyć jahonyja rečy. A pakolki samastojna jon iści ŭžo nie moh, ratavalnikam daviałosia nieści jaho 6 kiłamietraŭ da mašyny chutkaj dapamohi.
Paśla praviedzienaha ahladu ŭ pleščanickaj balnicy lekary paličyli, što špitalizavać mužčynu patreby niama, i tady jon adpraviŭsia nazad u sanatoryj «Lasny».
Ciapier čytajuć
Milicyja zatrymała taho samaha rasijskaha turysta, jaki kinuŭ niedakurak na vulicy. Zaŭtra sud29
Kamientary
hetyja žurnalisty nie mohuć, kab nie padmanuć) navat u zahałoŭku
ale miaža tak cikava praviedziena... pałova voziera ŭ Łahojskim rajonie, a pałova ŭ Dokšyckim... i z terytoryjaj hebešnaha sanatoryja niezrazumieła - ci ŭsia jaho terytoryja adnosicca da Dokšyckaha rajona?