Telegram pa rašeńni suda raskryŭ danyja ŭładalnikaŭ kanałaŭ. Raspaviadajem, što adbyłosia
U Indyi adbyŭsia sapraŭdny precedent: upieršyniu sud zmusiŭ administracyju miesiendžara pieradać danyja karystalnikaŭ. Pryčym ludziej hetych vinavaciać nie ŭ teraryźmie ci prodažy narkotykaŭ, a tolki ŭ tym, što jany parušali aŭtarskaje prava. Raspaviadajem ab pracesie Nitu Sinhcha i inšych suprać Telegram.
Sudu pieradali numary telefonaŭ i IP-adrasy administrataraŭ kanałaŭ, jakija abvinavačvajucca ŭ niesankcyjanavanym raspaŭsiudzie navučalnych materyjałaŭ, padrychtavanych kampanijaj Campus Private Limited i jaje vykładčykam Nitu Sinhcham, pryznačanych dla roznych konkursnych ekzamienaŭ. Heta skazana ŭ sudovaj pastanovie ad 24 listapada.
Tam ža skazana, što advakaty i śledstva nie majuć prava raskryvać danyja hetych ludziej publična, a taksama što z hetymi danymi aznajomiŭsia sud.
Sud ciahniecca davoli doŭha. 30 žniŭnia byŭ adchileny arhumient Telegram pra toje, što kampanija nie moža dzialicca danymi, bo sierviery znachodziacca ŭ Sinhapury, dzie sud zabaraniaje ich raskryvać. Raniej kampanija błakavała kanały, jakija raspaŭsiudžvali materyjały kampanii Campus Private Limited, ale hetaha, pa mierkavańni suda, było niedastatkova, bo pastajanna stvaralisia novyja.
«Sudy Indyi buduć całkam abhruntavana zmušać Telegram prytrymlivacca indyjskaha zakanadaŭstva i vykonvać pastanovy indyjskich sudoŭ ab raskryćci adpaviednaj infarmacyi, jakaja tyčycca złačyncaŭ. Parušalnikam nie moža być dazvolena šukać prytułku ŭ palitycy Telegram tolki na toj padstavie, što jaho siervier znachodzicca ŭ Sinhapury», — skazana ŭ rašeńni suda.
Rašeńnie pa spravie Nitu Sinhcha suprać Telegram źjaŭlajecca precedentam i budzie padstavaj dla inšych vynosić zahady na karyść pravaŭładalnikaŭ. Ciapier viadoma pra niekalki takich pazovaŭ da kampanii.
«Naša Niva» — bastyjon biełaruščyny
PADTRYMAĆ-
Antarktyda maje «hravitacyjnuju dzirku». Što heta takoje i ci niasie pahrozu płaniecie?
-
«Jandeks Braŭzier» analizuje navat asabistyja paviedamleńni. Voś jakija źviestki źbirajuć braŭziery i čamu heta važna
-
Na karybskim vostravie vypraboŭvajuć inavacyjnuju sistemu chvalevaj enierhietyki i apraśnieńnia vady
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»8
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2727
Kamientary