Pakoj Tesły i mebla Huliviera. U Minsku adkryli hihancki muziej zajmalnaj navuki FOTY
U Minsku adkryli muziej «Kvantum 2.0». Jon staŭ adnym z samych bujnych u krainie navukova-papularnych muziejaŭ. Znachodzicca muziej na cokalnym paviersie ZAHSa Maskoŭskaha rajona pobač z HRC «Tytan». Tam sabranyja ekspanaty, jakija raspaviadajuć ab navucy, technałohijach, a taksama budovie čałavieka. Što tam možna pahladzieć i kolki kaštuje, raźbiraŭsia Realt.by.
«Kvantum 2.0» znachodzicca na nižnim jarusie ZAHSa na praśpiekcie Haziety Praŭda, 29. U muziei niekalki tematyčnych zon, dzie stajać kala 200 ekspanataŭ. Da «Kvantum 2.0» dałučyłasia i kalekcyja muzieja čałavieka, što začyniŭsia ŭ centry Minska. Takim čynam, tut raźmiaścilisia niekalki tematyčnych zon: optyka, akustyka, mahnityzm, bijałohija, enierhija i inš. Hałoŭnaje — z usimi pradmietami možna ŭzajemadziejničać.
Pradstaŭniki muzieja adznačajuć, što fokus zrobleny na hulniavoj formie i interaktyŭnaści.
Naviedvalniki muzieja zmohuć znajści ŭładkavany pakoj Tesły z małankami, a taksama ciomny pakoj sa špijonskim lusterkam. Dastupnaja dzieciam i mebla Huliviera. Akramia hetaha, haściej čakajuć vyprabavańni: treba budzie vybracca ź lustranoha łabirynta, pabudavać most z hajek bieź fizičnaj siły, vykanać rolu rok-muzykanta ci paŭdzielničać u raskopkach dynazaŭraŭ. Amataraŭ bijałohii taksama čakajuć zadačy, jakija dapamohuć zrazumieć, jak zbudavany arhanizm, pracuje mozh i bjecca serca.
U muziei pakazvajuć navukovyja šou i majstar-kłasy. Dla vialikich hrup pravodziać tematyčnyja ekskursii.
-
U «Minsk-Arenu» na kancert Dzimy Biłana nabiŭsia tłum narodu. Hledačy skardziacca na prablemy z kvitkami i pavodziny inšych
-
U kožnaha pakaleńnia svoj koler: u milenijałaŭ — ružovy, u zumieraŭ — žoŭty. A kamu naležyć «nachabny zialony»?
-
U minskim «Jeŭraopcie» ŭ adździele vypiečki pakłali pakiety dla śmiećcia
Ciapier čytajuć
Chto toj redaktar biełaruskaj Vikipiedyi, jakoha pasadzili na dva hady za «dyskredytacyju Biełarusi»2
Kamientary