Za vystup pierad rabotnikami «Biełaruśkalija» prafsajuznaha lidara asudzili na 2,5 hoda kałonii
U Minskim abłasnym sudzie 15 listapada asudzili palitźniavolenaha Alaksandra Mišuka pavodle č. 1 art. 361 Kryminalnaha kodeksa (zakliki da mier abmiežavalnaha charaktaru (sankcyj), inšych dziejańniaŭ, nakiravanych nanieści škodu nacyjanalnaj biaśpiecy). Spravu razhladała sudździa Viktoryja Palaščuk, paviedamlaje «Viasna».
Alaksandra zatrymali 25 maja 2022 hoda na pracoŭnym miescy. U jaho doma i ŭ kabiniecie na pracy praviali vobšuki. Mužčynu na praciahu dvuch miesiacaŭ utrymlivali ŭ SIZA KDB, paśla pieraviali ŭ SIZA-1 Minska. Čatyry miesiacy Alaksandru nie dazvalali spatkacca z žonkaj.
Padčas druhoha sudovaha pasiadžeńnia začytvali pakazańni śviedkaŭ, u tym liku administracyi AAT «Biełaruśkalij», aktyvistaŭ Biełaruskaha niezaležnaha prafsajuza. Staršynia piarvičnaj arhanizacyi «Biełchimprafsajuz» Andrej Rybak, jaki taksama vystupaŭ u sudzie, adznačyŭ, što jaho prafsajuz byŭ suprać zabastoŭki, a niezaležny prafsajuz zabastoŭku padtrymlivaŭ.
Prakuratura pastaviła ŭ vinu Alaksandru jaho vystupleńnie pierad rabotnikami z «metaj stvareńnia zabastovačnaha kamiteta». U svaju čarhu Alaksandr tłumačyŭ svajo vystupleńnie jak emacyjnaje, pakolki ŭ toj čas usie znachodzilisia pad uździejańniem emocyj z-za masavaha hvałtu z boku siłavikoŭ.
14 listapada na čarhovym pasiadžeńni prakuror zaprasiŭ Alaksandru 3 hady kałonii.
15 listapada sudździa Minskaha abłasnoha suda Viktoryja Palaščuk pryznała Alaksandra Mišuka vinavatym pavodle č. 1 art. 361 Kryminalnaha kodeksa (zakliki da mier abmiežavalnaha charaktaru (sankcyj), inšych dziejańniaŭ, nakiravanych nanieści škodu nacyjanalnaj biaśpiecy Respubliki Biełaruś) i asudziła jaho na dva hady i šeść miesiacaŭ pazbaŭleńnia voli ŭ kałonii va ŭmovach ahulnaha režymu.
Alaksandr Mišuk — vice-staršynia Biełaruskaha niezaležanaha prafsajuza (BNP) i staršynia piarvičnaj arhanizacyi BNP «Biełaruśkalij».
Ciapier čytajuć
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?4
Kamientary