Šklaraŭ — ukraincam: «Pryznańnie Cichanoŭskaj — heta simvał. Ale ci nie ŭ ciapierašnija hieraičnyja časy simvały važnyja jak nikoli?»
Palityčny kansultant Vital Šklaraŭ na sajcie «Ukrainskaj praŭdy» napisaŭ kałonku, čamu Ukrainie varta pryznać Śviatłanu Cichanoŭskuju prezidentam Novaj Biełarusi.
Šklaraŭ cytuje roznych ukrainskich palitykaŭ ab Śviatłanie Cichanoŭskaj, nibyta jaje niajasnaj pazicyi, a taksama pryvodzić amal dva dziasiatki jaje vykazvańniaŭ za paŭtara hoda, dzie Cichanoŭskaja jasna akreślivaje svaju pazicyju adnosna Ukrainy i vajny Rasii.
«Śviatłana Cichanoŭskaja paśladoŭna i niepachisna adstojvaje bok Ukrainy ŭ vajnie, biezumoŭna, pryznaje pravatu Ukrainy i złačynny charaktar pucinska-rasijskaj i łukašenkaŭska-biełaruskaj ahresii. Jana rabiła heta šmat razoŭ i rabić nie pierastanie.
Jakija słovy jašče nie byli skazany? Jakija dakładna farmuloŭki pavinny prahučać, kab Ukraina paviarnułasia tvaram da svajho, mahčyma, samaha ŭdziačnaha sajuźnika — Novaj Biełarusi, jakaja ščyra i luta nienavidziać Pucina, Łukašenku i ŭsiu źviazanuju ź imi niečałaviečuju brydotu», — piša Vital Šklaraŭ.
Jon upeŭnieny: jość vysokaja vierahodnaść taho, što kali ŭkrainskija aficyjnyja asoby narešcie vyjduć na kantakt sa Śviatłanaj Cichanoŭskaj i paviedamiać, jakija mienavita pytańni vyklikajuć ich aściarohu, to ŭsie nieparazumieńni buduć vyrašanyja ŭ samyja karotkija terminy.
«Kali ž Ukraina praciahnie curacca Śviatłany Cichanoŭskaj, heta pryviadzie tolki da jašče bolšaha raskołu i frustracyi, a hałoŭnaje — nie pryniasie nikomu, akramia Pucina i Łukašenki, nijakaj karyści.
Tak, pryznańnie Cichanoŭskaj — heta simvał. Ale ci nie ŭ ciapierašnija hieraičnyja časy simvały važnyja jak nikoli? Pakul Pucin važdajecca ź miortvanarodžanymi kvazidziaržavami «Navarosii», my razam majem mahčymaść stvaryć sapraŭdnuju, sumlennuju i mocnuju dziaržavu — Novuju Biełaruś!
Paŭnavartasnaje pryznańnie Ukrainaj lehitymnaści novaj Biełarusi i jaje prezidentki Śviatłany Cichanoŭskaj zapuścić miechanizm takoha pryznańnia pa ŭsioj Jeŭropie i pa ŭsim śviecie. Heta budzie surjozny i mocny krok nasustrač miłasernaści i prymireńniu, uzajemadapamozie i kulturnaj reintehracyi».
«Pucinskija fašysty nanieśli Ukrainie žorstki, podły ŭdar. Ale jana vytrymała, bje ŭ adkaz i mocna staić na nahach. Biełaruś prosić vas — tych, u kaho atrymałasia: dapamahčy vyprastacca i ŭstać na poŭny rost i nam! I tady my taksama zmožam bicca pobač z vami na poŭnuju siłu», — reziumuje Vital Šklaraŭ.
-
«Pra niešta my nie havorym, pamoŭčvajem». Łukašenka ź ciažkaściu havaryŭ, ale nastrojvaŭ hienierałaŭ na baraćbu za mir da apošniaj kropli kryvi
-
Biełaruski internet pad botami: jak ich raspaznavać i što ź imi robiać
-
Dobkin: Šmat havorać, kolki rabotnikaŭ ŠI zrobić niepatrebnymi, ale ž kolki novych spraŭ i prac jon dazvolić stvaryć?
Kamientary