«Mahu ahučyć niekatoryja zakrytyja rečy». Ministr nadzvyčajnych situacyj raskazaŭ, kudy biełarusam chavacca ad rakietnych udaraŭ
Kiraŭnik MNS Vadzim Siniaŭski ŭ prahramie «Kontury» na telekanale ANT raskazaŭ, što bolš za piać tysiač zakrytych zbudavańniaŭ mohuć być vykarystanyja biełarusami dla taho, kab schavacca ad rakietnych udaraŭ.
Jak zajaviŭ ministr, kali spatrebicca apieratyŭnaje reahavańnie na nadzvyčajnuju situacyju, u Biełarusi isnuje ŭžo hatovy płan dziejańniaŭ, a sistema apaviaščeńnia nasielnictva daŭno vypraboŭvajecca na praktycy. Tyja paviedamleńni ab roznaha rodu pahrozach, jakija rassyłajucca nasielnitvu praz roznyja kanały — «pa mabilnych telefonach, biahučym radkom na telebačańni, FM-pierachop, jaki my možam vykarystoŭvać» — «u tym liku heta i pravierka dla taho, jak heta budzie pracavać».
Taksama dla nasielnictva praduhledžana mahčymaść schavacca ŭ vypadku pahrozy.
«Mahu ahučyć niekatoryja zakrytyja rečy. Bolš za piać tysiač roznych zakrytych zbudavańniaŭ u krainie jość, jakija možna vykarystoŭvać dla chavańnia nasielnictva ŭ vypadku ŭ tym liku rakietnych udaraŭ.
U suviazi z hetym my havorym pra toje, što my zrobim apieratyŭnaje apaviaščeńnie i budziem apaviaščać ludziej, dzie, kali, u jakim rehijonie možna spuścicca ŭ schovišča dla taho, kab być abaronienym ad hetych rečaŭ. Heta pieršaja historyja. I druhaja historyja — evakuacyja ŭ vypadku ŭžo niepasredna ŭźnikłaj nadzvyčajnaj situacyi. Trenirujem našyja siły, srodki, kab možna było apieratyŭna arhanizavać pry nieabchodnaści hetuju evakuacyju», — paviedamiŭ Siniaŭski.
Jak mienavita hramadzianie mohuć daviedacca miescaznachodžańnie najbližejšaha bambaschovišča, kiraŭnik MNS nie ŭdakładniŭ. Ale raspavioŭ, jakija jašče jość varyjanty miescaŭ, u jakich možna pieračakać niebiaśpieku. Pierš za ŭsio heta padvał svajho šmatpaviarchovaha doma, padziemnyja pierachody, mietro. Akramia taho, jość zakrytyja zbudavańni na bujnych pradpryjemstvach.
Ciapier čytajuć
Spoviedź Stryžaka: Ja maju prablemu z seksualnaj zaležnaściu39
Kamientary