U Jeŭropie vyklikali zaniepakojenaść avijarejsy ź Biełarusi ŭ Liviju
Jeŭrapiejskaja kamisija pačała rasśledavańnie z-za niezvyčajnych rejsaŭ pamiž Minskam i Bienhazi, jakija mohuć być častkaj schiemy pa spryjańni niezakonnaj mihracyi ŭ Jeŭropu. Rejsy vykonvaje biełaruskaja avijakampanija «Biełavija», i ŭ Brusieli miarkujuć, što jany mohuć być skaardynavanyja z uładami ŭschodniaj Livii, kantralavanaj prarasijskim vajskovym lidaram Chalifoj Chaftaram, piša Euractiv.
Prablema mihracyi mienavita ź Livii ciapier staić pierad Jeŭrasajuzam asabliva mocna. Z pačatku 2025 hoda z hetaj krainy ŭ Italiju prybyli bolš za 27 000 mihrantaŭ, jašče 7 000 trapili na hrečaski vostraŭ Kryt — u try razy bolš, čym letaś.
Situacyja nahadvaje padziei 2021 hoda, kali Biełaruś užo vykarystoŭvała mihrantaŭ jak srodak cisku na Polšču, Litvu i Łatviju. Ciapier u Brusieli bajacca, što Rasija i Biełaruś znoŭ vykarystoŭvajuć padobnuju stratehiju, ale ŭžo praź Liviju.
U śniežni 2024 hoda brazilski sajt AEROIN paviedamiŭ, što biełaruski hruzavy samalot u abychod sankcyj lotaje ŭ Liviju. Rejsy pačalisia paśla vizitu ŭ Minsk syna Chalify Chaftara i livijskaha hienierała. Pieršy samalot — pieraabstalavany Ił-62 — palacieŭ u Bienhazi 12 listapada.
U lutym 2025 hoda «Lusterka» zafiksavała ŭžo pasažyrskija rejsy «Biełavija» ŭ Bienhazi — 3 i 6 lutaha. Ciapier ža infarmacyja pra hetyja paloty z sajta aeraporta źnikła.
U stalicy Livii adbylisia ŭzbrojenyja sutyknieńni paśla zabojstva ŭpłyvovaha siłavika
Łukašenka — livijskamu fieldmaršału: Vy pryjechali da svaich siabroŭ, da siabie dadomu
U Liviju palacieła ź nieanansavanym vizitam pradstaŭničaja delehacyja biełaruskich čynoŭnikaŭ
Livijskaja delehacyja abmiarkoŭvała ŭ Minsku ŭzmacnieńnie VPS i madernizacyju vajskova-marskoj bazy ŭ Tabruku
Livijskaha fieldmaršała Chaftara ŭ Minsk pryvieźli na samalocie Łukašenki
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary