Samalot paŭdniovaafrykanskaj avijakampanii lotaje z vasilkom Belavia
U tvitary «Blizki kosmas» źjaviŭsia intryhoŭny zdymak. Na im vyjaŭleny samalot Belavia z vasilkom na chvaście, ale zamiest nazvy biełaruskaj avijakampanii paznačanaja nazva paŭdniovaafrykanskaj — Airlink. Čym heta tłumačycca, piša CityDog.
Heta samalot Embraer 195. Pieršapačatkova jaho ŭziała ŭ lizinh biełaruskaja avijakampanija ŭ Nordic Aviation Capital. U Biełaruś jaho dastavili ŭ 2019-m, u listapadzie 2021-ha samalot byŭ u avijakampanii «zabrany dla vykarystańnia». Da sakavika 2022-ha zachoŭvaŭsia ŭ mižnarodnym aeraporcie Baku, a da lipienia znoŭ byŭ u vałodańni Nordic Aviation Capital.
A ŭžo z kanca lipienia Embraer 195 uziała ŭ lizinh avijakampanija Airlink, i tolki ŭ kastryčniku jaho ŭviali ŭ ekspłuatacyju.
Pry hetym nazvu avijapieravozčyka na samalocie pamianiali, a voś z astatnim afarmleńniem nie stali śpiašacca — naš vasilok tak pakul i zastaŭsia na chvaście samalota. Napeŭna, jašče nie paśpieli ŭsio pierarabić.
Čytajcie taksama:
«Dniom ja chadziŭ pa parku i roŭ białuhaj». Minčuk raskazaŭ, jak jaho siamja pieražyvaje zakryćcio pryvatnaj škoły
«Prapahanda «russkoho mira». U minskim transparcie kruciać roliki pra historyju Biełarusi — prafiesijny historyk raźbiraje, što ź imi nie tak
18‑hadovy kursant Vajskovaj akademii ź Lachavič nikomu ničoha nie skazaŭ, zabraŭ dakumienty i pajechaŭ vajavać za Rasiju. Ciapier pa im płačuć48
Kamientary
dobry samalot. adzin z samych biaśpiečnych. na jakoje karyta jon budzie zamienieny (kali budzie) Biełavia?
iz Afriki v Jevropu i sankcii pofih. Vyjezdnoj był by.