Suśvietnaja arhanizacyja intelektualnaj ułasnaści vypuściła śviežy dakład Global Innovation Index, u jakim praranžyravała 132 krainy pa ŭzroŭni inavacyjnaha raźvićcia. U 2022 hodzie Biełaruś skaciłasia ŭ im z 62-ha na 77 miesca i raźmiaściłasia pamiž Jamajkaj i Iardanijaj. U 2020-m naša kraina była 64-j, piša Dev.by.
Aŭtary indeksa paraŭnoŭvajuć krainy pa doŭhim śpisie paramietraŭ, jakija abjadnanyja ŭ dva subindieksy — «resursy inavacyj» (instytuty, čałaviečy kapitał i navuka, infrastruktura, uzrovień raźvićcia rynku i biznesu) i «vyniki inavacyj» (raźvićcio technałohij i ekanomiki viedaŭ, vyniki kreatyŭnaj dziejnaści).
Pazicyja Biełarusi pa subindeksu «Vyniki inavacyj» akazałasia vyšejšaj, čym pa subindeksu «Resursy inavacyj» — 63 miesca suprać 86-ha.
Pa niekatorych kampanientach indeksa pazicyi Biełarusi značna pahoršylisia. Da takich adnosiacca instytuty (84 — 85 — 130), infrastruktura (58 — 59 — 67), uzrovień raźvićcia biznesu (67 — 69 — 72), raźvićcio technałohij i ekanomiki viedaŭ (46 — 37 — 40).
Jak ni dziŭna, pa niekatorych punktach nazirajucca navat palapšeńni: tak, pa ŭzroŭni raźvićcia rynku kraina za hod padniałasia nibyta z 101 na 96 miesca, z 38 na 35 miesca — pa paramietry «čałaviečy kapitał i navuka», a pa vynikach kreatyŭnaj dziejnaści — z 93 na 91.
U cełym rejtynh užo 12-y raz uznačaliła Šviejcaryja. Za joj iduć ZŠA i Šviecyja, jakija sioleta pamianialisia miescami, Vialikabrytanija zachavała 4-ju pazicyju. Kitaj padniaŭsia na 11 miesca z 14-ha ŭ 2020 hodzie.
Ciapier čytajuć
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary