Da novaha televizijnaha siezona kanał abnaviŭ svaju tranślacyjnuju sietku.
Da novaha televizijnaha siezona kanał abnaviŭ svaju tranślacyjnuju sietku. Navinki efiru — heta najpierš premjernyja pakazy dakumientalnych filmaŭ, jeŭrapiejskaja prahrama dla moładzi, a dla maleńkich hledačoŭ —kałychanka nanoč.
U novym siezonie telekanał «Biełsat» pakaža hledačam šerah novych prajektaŭ.
Pavodle jaho słoŭ, uvosień kanał pakaža cykł filmaŭ «Hieroi nianašaha času», u jakim hledačy zmohuć paznajomicca ź viadomymi ludźmi BSSR — pieradavikami vytvorčaści, spartsmienami, vučonymi, uračami. Aŭtary cykłu vyśvietlili, kim jany stali siońnia i jak aceńvajuć źmieny, što adbylisia ŭ krainie.
Pavinien zacikavić maładuju aŭdytoryju premjerny cykł «Aŭtastopam praź Jeŭropu», zaklikany nie tolki pakazać Stary śviet, ale i paspryjać pieraadoleńniu nacyjanalnych stereatypaŭ, što ŭsio jašče panujuć ŭ Jeŭropie i datyčać biełarusaŭ u takoj ža stupieni, jak i pradstaŭnikoŭ inšych narodaŭ, ź jakimi sustrelisia na svaim šlachu žurnalisty «Biełsata».
Taksama ŭ efiry «Biełsata» vyjduć premjery dakumientalnych filmaŭ, jakija dziakujučy šmatlikim mižnarodnym premijam na fiestyvalach dakumientalnaha kino stali «vizitnaj kartkaj» telekanała za miažoj. U pryvatnaści, buduć pakazanyja novyja stužki, pryśviečanyja nieviadomym staronkam historyi Biełarusi: «Biełaruś pad akupacyjaj: 1941—1944» i «Hienierał niaskončanaj vajny — Bułak‑Bałachovič».
Pa vychadnych dniach na telekanale budzie vychodzić «Kałychanka»,
u jakoj samyja maleńkija hledačy zmohuć paznajomicca ź miedźviedzianiom Abłavuškam i ŭbačyć jaho pryhody. Hetaja prahrama stvorana pavodle zajavak baćkoŭ — hledačoŭ «Biełsata», jakija chočuć dać dzieciam mahčymaść z rańniaha dziacinstva asvojvać biełaruskuju movu.
Bieź źmienaŭ, štodnia a 21‑j, budzie vychodzić prahrama navin «Abjektyŭ», a paśla letniaha pierapynku ŭ sietku viaščańnia viernucca takija prahramy, jak «Hość Biełsata», «Forum», «Tydzień z Radyjo Svabodaj», «Pres‑ekspres» i inšyja tradycyjnyja dla kanała pieradačy.
Ciapier čytajuć
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym24
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary