Zachodni vajskovy ekśpiert: Kab abvalić taki most, treba niekalki hruzavikoŭ vybuchoŭki abo rakiety
Svoj analiz pažaru na Krymskim moście apublikavaŭ aŭtarytetny vajskovy ekśpiert Mik Rajan — hienierał aŭstralijskaj armii ŭ adstaŭcy, u jakoha ŭ tvitary bolš za 280 tysiač padpisčykaŭ, piša Bi-bi-si.
Mik Rajan piša, što pra dakładnyja pryčynach pažaru i jaho nastupstvy kazać pakul rana, ale sam pa sabie napad na Kierčanski most — heta ŭdar u tvar Pucinu ŭ jahony dzień naradžeńnia.
Dalej Rajan dzielicca niekalkimi ŭłasnymi dumkami pra incydent.
Na dumku aŭstralijskaha hienierała, dla abvalvańnia padobnaha adrezka žalezabietonnaha mosta nieabchodnaja vialikaja kolkaść vybuchoŭki: niekalkim śpiecnazaŭcam na sabie prynieści stolki niemahčyma, ličyć ekśpiert.
«Niekalki hruzavikoŭ abo rakiet/bombaŭ zmahli b dasiahnuć hetaj mety, kali ich dakładna nakiravać u patrebnyja ŭčastki mosta», — ličyć Rajan.
Pa-druhoje, adznačaje jon, ukraincam da hetaha času vydatna ŭdavałasia płanavańnie apieracyj — u pryvatnaści, jakija papiaredničajuć ich nastupleńniu.
Ciapierašni incydent moža być častkaj płana viartańnia Kryma ŭ karotkaterminovaj pierśpiektyvie abo sprobaj adciahnuć rasijskich vajskoŭcaŭ, jakija znachodziacca ŭ inšych častkach Ukrainy, razvažaje Rajan. U kožnym razie, dla Rasii heta istotnaja prablema, padkreślivaje ekśpiert.
Zabieśpiačeńnie Kryma nie pierapynicca — zastajucca karabli i šlach praź Mielitopal, ale ŭtrymańnie Mielitopala stanovicca dla Maskvy jašče bolš važnym. Kali na poŭdni ciapier pačnucca pieramiaščeńni rasijskich vojskaŭ, heta moža vyjavić ich słabyja miescy, i ŭkraincy ŭbačać dla siabie novyja mahčymaści, piša Rajan.
Pa-treciaje, hety incydent — vielizarnaja pieramoha dla ŭkrainskaha boku z punktu hledžańnia ŭpłyvu, adznačaje były hienierał.
Navat kali ŭkraincy da jaho nie majuć dačynieńnia, dla rasijan i dla ŭsiaho śvietu heta demanstracyja taho, što vojska Rasii nie zdolnaje kantralavać ni adzin ź niadaŭna anieksavanych rehijonaŭ.
Rasijanie ciapier, napeŭna, jašče bolš aktyŭna buduć sprabavać pakinuć Krym, i niaŭpeŭnienaść u Pucina i jahonych vajskoŭcaŭ budzie raści.
Rajan miarkuje, što incydent na Krymskim moście napeŭna źviazany z ahulnaj vajskovaj stratehijaj Ukrainy.
Čytajcie taksama:
Rasijanie nie mohuć sprahnazavać, kali adnoviać Krymski most, usie ciahniki na Krym admianili
Krymski most abvaliŭsia paśla vybuchu na im u noč paśla 70-hodździa Uładzimira Pucina
Ciapier čytajuć
Polšča pryznała Alaksandra Mašenskaha niepažadanaj asobaj7
Kamientary