Minhandlu choča stvaryć handlovuju sietku z adnymi ajčynnymi tavarami
U Biełarusi chočuć stvaryć handlovuju sietku «Da domu», u handlovych abjektach jakoj buduć realizoŭvacca vyklučna ajčynnyja tavary dla doma, ilniany tekstyl, dekor, posud. Jaje kancepcyju pradstaviła staršynia kancerna «Biellehpram» Taćciana Łuhina na sustrečy z kiraŭnikami najbujniejšych staličnych handlovych centraŭ. «Pradstaŭnikami handlovych centraŭ była vykazanaja zacikaŭlenaść u dadzienaj kancepcyi», — paviedamlaje pres-słužba Ministerstva antymanapolnaha rehulavańnia i handlu.
Namieśnica ministra Nina Jemialjanava abmierkavała z udzielnikami narady pytańni prasoŭvańnia tavaraŭ lohkaj pramysłovaści ajčynnaj vytvorčaści, raźmiaščeńnia handlovych placovak i pašyreńnia asartymientu biełaruskich tavaraŭ, a taksama inšyja aśpiekty dziejnaści.
«U sučasnych umovach važna, kab u kožnym handlovym centry Respubliki Biełaruś byli pradstaŭlenyja ajčynnyja vytvorcy. Jany pavinny vystupać jakarnymi arandatarami, pryciahvać žycharoŭ našaj krainy i turystaŭ, spryjać prasoŭvańniu biełaruskich tavaraŭ», — padkreśliła jana.
Kamientary
Pošli prostym putiom - zastaviť torhovyje sieti brať na riealizaciju i opłačivať niekonkurientnoje i nikomu nienužnoje.
Kohda časť zarpłaty načnietie tovarami vydavať, zabrav dieńhi iz niejo za nich?