Sumniavajeciesia nakont pryščepki ad hrypu? Ëść jašče adna padstava zrabić jaje
Abarona ad hrypu — nie adzinaja pryčyna atrymać supraćhrypoznuju vakcynu. Niadaŭna vučonyja vyśvietlili, što takaja pryščepka, chutčej za ŭsio, abaraniaje jašče ad adnoj niebiaśpiečnaj prablemy.
U vydańni American Academy of Neurology Journal vyjšła praca, jakaja śviedčyć: u tych, chto pryščaplajecca ad hrypu, radziej zdarajecca insult. Havorka pra samy časty vid insultu — išemičny, na jaki prychodzicca 87% usich insultaŭ, piša Huffpost.
Kab vyśvietlić heta, navukoŭcy na praciahu 14 hadoŭ prasačyli los 14322 žycharoŭ Ispanii, u jakich byŭ insult, i paraŭnali kožnaha ź ich ź piaćciu inšymi ludźmi, jakija nie mieli taki dyjahnaz. Taksama daśledčyki paraŭnali daty insultu i daty, kali hetyja ludzi atrymlivali pryščepku ad hrypu, kab vyśvietlić, ci nie prachodzili jany praz vakcynacyju jak minimum za dva tydni da insultu.
Akazałasia, što tyja, chto atrymaŭ svaju štohadovuju pryščepku ad hrypu, na 12% radziej mieli insult, čym tyja, chto nie prajšoŭ praz vakcynacyju.
Vučonyja pakul nie viedajuć dakładna, u čym pryčyna takoj zaležnaści, ale majuć niekalki teoryj. Naprykład, minułyja daśledavańni śviedčać, što vakcynacyja ad hrypu moža panižać uzrovień miedyjataraŭ zapaleńnia — rečyvaŭ, jakija inicyjujuć i padtrymlivajuć usie zapalenčyja źjavy ŭ arhaniźmie. Taksama isnujuć danyja, što pavyšany ŭzrovień zapaleńnia ŭ arhaniźmie pavyšaje ryzyku insultu.
Novaja praca maje abmiežavańni: naprykład, vučonyja nie sačyli za charčavańniem i ŭzroŭniem fizičnaj nahruzki ŭ udzielnikaŭ daśledavańnia. Mahčyma, tyja, chto atrymlivaje vakcynu, prosta viaduć bolš zdarovy ład žyćcia i tamu majuć mienšuju ryzyku insultu.
Bustarnuju vakcynu ad karanavirusa i pryščepku ad hrypu ŭ Minsku možna budzie zrabić adnačasova
Ci možna vypivać, kali vy pryščapilisia ad kavidu?
Navukoŭcy raskazali, jakija ryzyki dla zdaroŭja niasie paŭtornaje zaražeńnie kavidam
Ciapier čytajuć
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»1
Kamientary