Što daść Biełarusi «Uschodniaje partniorstva»?
«Uschodniaje partniorstva» — heta inicyjatyva Jeŭrapiejskaha sajuza, jakaja była zasnavanaja ŭ mai 2008 hodu Polščaj i Šviecyjaj. Prahrama raźličanaje na zbližeńnie šaści postsavieckich krain (Biełaruś, Ukraina, Małdova, Hruzija, Armienija, Azierbajdžan) ź Jeŭrasajuzam. Bolš intensiŭnaje raźvićcio «Uschodniaje partniorstva» atrymała paśla vajskovaha kanfliktu na Paŭnočnym Kaŭkazie ŭ žniŭni letaś.
Doŭhi čas było nie zrazumieła, ci prymuć va «Uschodniaje partniorstva» Biełaruś. U jeŭrapiejcaŭ byli pretenzii adnosna stanovišča z demakratyjaj i pravami čałavieka ŭ našaj krainie. Tym nie mienš, va ŭstanoŭčym samicie «UP» u Prazie Biełaruś reprezientavaŭ vice-premjer Uładzimir Siamaška. Biełaruś stała paŭnapraŭnaj udzielnicaj UP.
Što «Uschodniaje partniorstva» moža dać našaj krainie? Prahrama ŭklučaje ŭ siabie handlovyja damovy, prahramy pa palapšeńni administracyjnych funkcyjaŭ krainaŭ, prahramy dla palapšeńnia administratyŭnaj zdolnaści krainaŭ-partniorak, pahadnieńni pa pieramiaščeńni nasielnictva i jaho biaśpiecy, vyvučeńnie mahčymaściaŭ adkryćcia rynkaŭ dla svabodnaha pierasoŭvańnia rabočych, pavieličeńnie enierhietyčnaj biaśpieki. Pašyreńnie supracoŭnictva ŭ śfiery achovy navakolnaha asiarodździa. Raźvićcio małoha i siaredniaha biźniesu.
U mnohim supracoŭnictva budzie zaležyć ad dvuchbakovych pahadnieńniaŭ pamiž Biełaruśsiu i krainami Jeŭrasajuzu. ES taksama čakaje, što dziakujučy «Uschodniamu partniorstvu» ŭzraście kolkaść kantaktaŭ pamiž čynoŭnikami, śpiecyjalistami, pradstaŭnikami hramadskaj supolnaści, što paspryjaje bolšaj «sacyjalizacyi» ŭ jeŭrapiejskich instytutach značnaha koła biełaruskaha hramadstva.
Dla krain-udzielnic «Uschodniaha partniorstva» adkryvajecca vydatnaja pierśpiektyva budučaha siabroŭstva ŭ Jeŭrasajuzie.Kažučy inšymi słovami, ŭdzieł u prahramie praduhledžvaje tuju ž stupień dačynieńniaŭ ź ES, jakimi ciešacca Narviehija, Lichtenštejn. Jany majuć tyja ž pravy, jak i krainy-siabry Jeŭrasajuzu, aproč supracoŭnictva ŭ ahrarnaj śfiery i prava hołasu.
Razam z tym, zaachvočvańnie pravoŭ čałavieka i viaršenstva zakona składajuć jadro palityki «Uschodniaha partniorstva», tak adznačana ŭ vynikovaj dekłaracyi majskaha samitu.
Finansavańnie «Ŭschodniaha partniorstva» na pieryjad 2009—2013 hady składzie 600 miljonaŭ jeŭra. Z hetych hrošaj Biełaruś atrymaje prykładna ŭostuju častku.
Ci buduć vykarystanyja hetyja mahčymaści, zaležyć najpierš ad Biełarusi i jaje žadańnia.
-
Na mahile Viački Stankieviča na pomniku — ni słova pa-biełarusku. Voś pra što heta kaža nakont emihrantaŭ, emihracyi i «biełaruskaści ŭnukaŭ»
-
Lvoŭski: U Biełarusi nacyjanalnaje śviata — heta rycarskija turniry, u Rasii — sarafany i karahody
-
Praryŭ marakancaŭ u Sieutu: što heta było? Ci mahła heta być tonkaja pomsta Vašynhtona Madrydu? I ci adabjecca na lehalizacyi biełarusaŭ?
Taćciana Zamiroŭskaja pieršy raz za 11 hadoŭ viarnułasia z ZŠA ŭ Jeŭropu. Mnohija maniery, zvyčki i navat ptuški, jakich my nie prykmiačajem, vyklikali ŭ jaje buru ŭspaminaŭ33
Kamientary