Samy aŭtarytetny sa «śpisu 80». Za što pazbavili zvańnia pałkoŭnika Šyjanka, jaki vyhadavaŭ tysiačy apieratyŭnikaŭ
U novym ukazie Łukašenki ab pazbaŭleńni zvańniaŭ źjaviłasia proźvišča Uładzimira Šyjanka, pałkoŭnika milicyi, doktara jurydyčnych navuk i prafiesara. Surazmoŭcy «Našaj Nivy» ličać, što Šyjanok — samy aŭtarytetny sa «śpisu 80». Niekali jon uznačalvaŭ kafiedru apieratyŭna-vyšukovaj dziejnaści ŭ Akademii MUS. Raskazvajem pra jaho.
Uładzimiru Šyjanku 65 hadoŭ i jon maje stupień doktara jurydyčnych navuk. Kaliści ŭznačalvaŭ kafiedru apieratyŭna-vyšukovaj dziejnaści Akademii, biezdakorna havoryć pa-biełarusku.
U svoj čas byŭ mabilizavany na AES paśla katastrofy dla achovy hramadskaha paradku padčas evakuacyi, tam chapnuŭ radyjacyi, a ŭ 1989-m adpraviŭsia na liniju raźmiežavańnia pamiž armianami i azierbajdžancami.
Dziejnyja aficery, jakich apytała «Naša Niva», vyklučna stanoŭča i pavažliva adhukajucca pra Uładzimira.
«Jak śpiecyjalist u halinie prava jon biezumoŭna aŭtarytetny, heta adzin z zasnavalnikaŭ ajčynnaj škoły apieratyŭna-vyšukovaj dziejnaści (AVD) — hety pradmiet znajomy navučencam Akademii milicyi pad rasijskaj abrevijaturaj ORD, razam ź niabožčykam Ivanam Basieckim. Jaho raboty, padručniki vykarystoŭvajucca va ŭsich vučebnych ustanovach, dzie vučać AVD, kryminalistyku i hetak dalej.
U 90-ch Šyjanok pracavaŭ na kafiedry AVD u Akademii milicyi, u suaŭtarstvie ź Ivanam Basieckim padrychtavaŭ šerah padručnikaŭ i navučalnych dapamožnikaŭ pa ARD.
Sam jon byŭ milicyjanieram u dalokich 80-ch, pracavaŭ u kryminalnym vyšuku. Potym — u navucy. Vielmi aŭtarytetny čałaviek. Kali nie pamylajusia, adziny zastaŭsia pa śpiecyjalizacyi ŭ śfiery apieratyŭna-vyšukovaj dziejnasci paśla śmierci Basieckaha», — skazaŭ nam dziejny aficer.
«Aproč taho, jon padrychtavaŭ niekalki kandydataŭ jurydyčnych navuk pa temach, źviazanych z rasśledavańniem złačynstvaŭ i z kryminalistyčnym zabieśpiačeńniem. Aktyŭna vykazvaŭ svaju pazicyju pa padziejach 2020-ha hoda na svaich staronkach u sacyjalnych sietkach», — dadaŭ inšy milicyjanier.
«Imavierna, pryčynaj pazbaŭleńnia zvańnia pasłužyła jaho staŭleńnie da biezzakońnia, publična vykazany analiz dziejańniaŭ karnych struktur z punktu hledžańnia zakonnaści. Jon aktyŭna vykazvaŭsia», — skazaŭ jašče adzin milicyjanier.
Sam Šyjanok razmaŭlać z žurnalistami nie staŭ.
«Pracavaŭ bolš za 20 hod. Heta pieršy doktar jurydyčnych navuk, atestavany VAK niezaležnaj Biełarusi. Ciapier jon adziny doktar jurydyčnych navuk pa dyscyplinie apieratyŭna-vyšukovaj dziejnaści ŭ krainie», — skazaŭ pra jaho kaleha.
Pazbaŭleńniem zvańnia Alaksandr Łukašenka chacieŭ pazbavić hetaha čałavieka aŭtarytetu ŭ siłavych kołach, ale heta niemahčyma, kažuć aficery.
-
Kiraŭnik studyi ZROBIM architects viarnuŭsia ŭ sacsietki paśla zatrymańnia
-
Haładoŭki, pierakulenyja milicejskija mašyny, kroŭ, Jelcyn vyzvalaje palitviaźniaŭ — zhadvajem padziei Čarnobylskaha šlachu-1996
-
Pradpryjemstva pa abychodžańni z radyjeaktyŭnymi adkidami schavała strukturu i štat paśla prychodu dyrektara z KDB
Ciapier čytajuć
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym24
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary