Jak źmianiłasia staŭleńnie biełarusaŭ da vajny za paŭhoda — novaje sacdaśledavańnie
Vyniki novaha sacapytańnia amal nie adroźnivajucca ad červieńskaha: biełarusy nie padtrymlivajuć dziejańni rasijskaj armii, kateharyčna suprać udziełu ŭ vajnie biełaruskaha vojska i vystupajuć za vyvad rasijskich vajskoŭcaŭ z terytoryi našaj krainy. Chatham House apublikavaŭ vyniki apytańnia za žnivień 2022 hoda na temu taho, jak vajna Rasii suprać Ukrainy źmianiaje pohlady biełarusaŭ.
Jak pravodziłasia apytańnie
Chatham House apytaŭ 793 respandentaŭ z 4 pa 17 žniŭnia 2022 hoda. Jak i ŭ minuły raz, u vybarku trapiła tolki haradskoje nasielnictva. Apytańnie było praviedzienaje z dapamohaj internet-intervju (CAWI), to-bok vybarka była abmiežavanaja karystalnikami internetu, a značyć ekanamična i sacyjalna bolš aktyŭnymi ludźmi. Tamu jość vierahodnaść taho, što padtrymka Łukašenki i jaho palityki ŭ realnaści moža być trochi vyšejšaj, čym adlustravana ŭ apytańni.
Ale, ź inšaha boku, daśledčyki pryznajuć, što adchileńni mohuć być i supraćlehłyja — praź situacyju ŭ Biełarusi respandenty mahli nie być dastatkova ščyrymi, što taksama mieła ŭpłyŭ na vyniki.
U apytańni znoŭ źviartaje na siabie ŭvahu vialikaja kolkaść tych, chto nie vyznačyŭsia ź mierkavańniem. Heta taksama moža być sposabam paźbiehnuć adkazu.
Udzieł Bjełarusi ŭ vajennych dziejańniach
Sacyjołahi zadali biełarusam pytańni pra toje, što varta było b zrabić Biełarusi paśla pačatku vajennych dziejańniaŭ pamiž Rasijaj i Ukrainaj i što varta zrabić Biełarusi ŭ kantekście vajennych dziejańniaŭ ciapier.
Biełarusy kateharyčna vystupajuć suprać udziełu biełaruskaha vojska ŭ vajnie. Heta samy vidavočny vynik daśledavańnia.
Tolki 5% apytanych ličać, što biełarusam varta pryniać udzieł u vajennych dziejańniach. 5% — heta ahułam i tyja, chto ličyć, što treba zbrojaj padtrymać Rasiju, i tyja, chto ličyć, što varta padtrymać Ukrainu. To-bok heta ideja biezumoŭna marhinalnaja ŭ biełaruskim hramadstvie. Amatary raźbiracca ŭ takich niaznačnych ličbach ubačać, što kolkaść prychilnikaŭ padtrymać Rasiju na poli boju ŭ paraŭnańni z červieniem źniziłasia z 4% da 3%.
Samy papularny adkaz ab pravilnym scenaryi dla Biełarusi, z punktu hledžańnia respandentaŭ, — «abviaścić ab poŭnym niejtralitecie krainy, vyvieści ŭsie zamiežnyja vojski i nie vykazvacca na karyść ni adnaho z bakoŭ kanfliktu».
Kolkaść tych, chto tak ličyć, — 28%. Heta na 4% bolš, čym u červieni.
Padtrymka vajennych dziejańniaŭ RF va Ukrainie
Amal pałova apytanych — 45% — całkam nie padtrymlivaje ci chutčej nie padtrymlivaje dziejańni rasijskich vojskaŭ na terytoryi Ukrainy. Kala traciny apytanych padtrymlivajuć dziejańni Rasii, i pracent takich za červień źniziŭsia z 33% da 30%.
Staŭleńnie da rasijskaj vajennaj prysutnaści ŭ Biełarusi
Tut vyniki taksama vidavočnyja. Amal pałova apytanych — 43% — admoŭna staviacca da raźmiaščeńnia rasijskaj vajskovaj bazy na terytoryi našaj krainy. Kala čverci — 24% — hladziać na heta sa stanoŭčaha boku.
Prykładna takija ž vyniki i pa raźmiaščeńni jadziernaj zbroi ŭ Biełarusi: 43% — admoŭna staviacca da hetaha, 19% — stanoŭča ci chutčej stanoŭča.
Bolš padrabiazna z vynikami apytańnia možna aznajomicca tut.
«Kamandzir śpiecnaza», jaki «dapamahaŭ na Akreścina», — lipavy. A jaho spoviedź — bajki. Ale čamu jon uspłyŭ?
Dziaržaŭnyja prapahandysty: My možam biespakarana havaryć toje, za što inšych sami ž zhnaili b u turmie
Pad Chiersonam Ukraina prymianiaje niezvyčajnuju vajennuju taktyku
-
«Biełaruś — najlepšaja kraina. Ale treba padrychtavacca». Mužčyna čyściŭ telefon, ale jaho ź siamjoj usio roŭna zatrymali na miažy
-
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
-
Taksistam zahadali terminova źniać usiu rekłamu kazino i bukmiekieraŭ z bartoŭ mašyn
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni13
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary
@https://d2accbiqacj5y8.cloudfront.net/298843