Ukrainskija chakiery zdabyli ŭ rasijskich sałdat kaardynaty bazy z dapamohaj fota pryvabnych dziaŭčat
Hazieta Financial Times apublikavała historyju zasnavalnika ŭkrainskaha chakierskaj supołki Hackyourmom Mikity Knyša, jaki paśla rasijskaha ŭvarvańnia staŭ adnym z udzielnikaŭ kibiervajny suprać Rasii.
30-hadovy Knyš raniej ŭznačalvaŭ charkaŭskuju kampaniju pa kibierbiaśpiecy HackControl. U pieršyja hadziny paśla pačatku vajny jon pryjšoŭ u ofis SBU ŭ Charkavie i paprasiŭ ab pracy. Jamu admovili, paśla čaho jon vyrašyŭ stvaryć svaju chakierskuju hrupu.
Knyš pryvioŭ niekalki prykładaŭ pracy Hackyourmom. Jon śćviardžaje, što chakiery zmahli vyznačyć miescaznachodžańnie rasijskaj bazy kala akupavanaha Mielitopala, vykarystoŭvajučy fejkavyja akaunty pryvabnych dziaŭčat u sacsietkach.
Chakiery padmanam prymusili rasijskich sałdat adpravić fatahrafii, z dapamohaj jakich vyśvietlili, dzie znachodzicca baza, i paviedamili pra heta USU. Praź niekalki dzion, jak śćviardžaje Knyš, pa bazie ŭdaryła artyleryja.
Kali dakładna heta adbyłosia, jon nie ŭdakładniŭ.
Ciapier čytajuć
«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?99
Kamientary