Što pahladzieć. «Pacyjent» — zachaplalny i strašny tryler pra psichaterapiju
U łožku pračynajecca mužčyna, jon ciahniecca pa akulary i nadziavaje ich. Całkam apranuty, jon ustaje, ale kali robić krok, čuje lask. Jon hladzić uniz i bačyć, što prykuty za nahu da padłohi.
Tak pačynajecca 10-častkavy sieryjał «Pacyjent» (The Patient), stvorany amierykanskim stryminhavym servisam Hulu. Prykavany mužčyna — Ałan Straus, psichaterapieŭt. Ź ciaham času my daviedvajemsia, što znachodzicca jon u domie svajho pacyjenta, Sema Fortniera, piša NPR.
Ludzi źviartajucca da psichaterapieŭtaŭ pa roznych pryčynach, ale ŭ Sema jana davoli niezvyčajnaja: mužčyna — sieryjny zabojca, jon choča pierastać zabivać ludziej, ale dla jaho heta duža ciažkaja zadača.
Prostaść i, adnačasova, składanaść takoha ŭstupleńnia ŭ tym, što dalej dziejańnie moža raźvivacca zusim pa-roznamu, ale patencyjnych vynikaŭ nie tak šmat. Ałan moža źbiehčy, jaho mohuć vyratavać, abo Sem dazvolić jamu syści, mužčyna moža zastacca ŭ pałonie nazaŭsiody abo pamierci tam. Na roznych etapach sieryjała kožny z hetych varyjantaŭ vyhladaje praŭdapadobnym, bo Ałan šukaje sposaby vyratavacca, ale ŭ toj ža čas i niemahčymym.
U Sema, u svaju čarhu, taksama nie tak šmat varyjantaŭ: zabivać i dalej abo spynicca? Vyžyć ci pamierci? Vypuścić Ałana ci trymać jaho ŭ siabie, ale da jakoha momantu?
U tym, što sieryjny zabojca źviartajecca da psichaterapieŭta, jość svoj elemient čornaj (vielmi čornaj) kamiedyi. Chiba ž psichaterapieŭt — heta nie toj čałaviek, jaki pavinien vam dapamahać, jakija b ciomnyja sakrety vy jamu ni raskryvali? Kali ad hetaha zaležyć jaho biaśpieka, Ałan abnadziejvaje Sema raskazami pra svaje prafiesijnyja abaviazki i abiacaje tamu dapamahčy, čym zmoža. Ale ž niezrazumieła, nakolki pry hetym varta daviarać Ałanu, tym bolš što časam jon ledźvie strymlivaje praviedny hnieŭ na Sema — čałavieka, jakomu Ałan sprabavaŭ dapamahčy, ale jaki adpłaciŭ jamu źniavoleńniem.
Sieryjał «Pacyjent» udumlivy i kranalny jak dobraja drama, ale ŭ toj ža čas napružany jak najlepšyja trylery. Pakul dastupnyja dźvie sieryi, ale ŭ vyniku ich vyjdzie 10. Heta šou, jakoje budzie znoŭ i znoŭ prymušać vas zadumvacca i hadać, jak heta ŭsio moža pryjści choć da niejkaha zrazumiełaha finału. Ale finał u sieryjale jość, i jon dobra zrobleny. Było b niapravilna kazać pra heta niešta jašče.
Rejtynhi na vialikich suśvietnych resursach:
IMDB — 7,8/10
Rotten Tomatoes — 83%
Što pahladzieć. «Kurort» — ź plažnaj kazki ŭ tajamničuju historyju
Što pahladzieć. «Tehieran» — papularny špijonski sieryjał, jaki vy mahli prapuścić
«Žančyna pry hrošach» — lohkaja, jarkaja i kranalnaja kamiedyja pra padmanutuju žonku miljardera
Ciapier čytajuć
Dron prylacieŭ u pasažyrski aŭtobus na miažy Rasii i Biełarusi12
Kamientary
V junošiestvie ja iz-za nieskolkich mračnych sobytij nałožił na siebia ruki i s točki zrienija samoubijcy - nieudačno. Potomu čto ostałsia žiť. No popał v psichiatričieskuju bolnicu i potom pod nadzor psichiatra.
Prošli niekotoryje hody i na mojej rabotie v priličnom miestie vrač na priedprijatii okazałaś eta žienŝina. Byvšij vrač psichiatr. Nie znaju kak tak možno. Ona užie znała mienia i v kratkij srok rasskazała vsiemu rukovodstvu vsio to, čto obyčno sčitajetsia vračiebnoj tajnoj. Diriektor prihłasił mienia s dovieritielnoj biesiedoj, jej było intieriesno "kak eto byť samoubijciej". Ja uvoliłsia i dažie udivlon, čto eta mraź nie poniała urovień svojeho padienija. Poetomu nie posieŝajtie psichołohov i psichiatrov v RB. Oni piervyje priedadut vas.
chacia psichaterapieŭt musić vieści pracu najpierš praź psichaterapiju, to bok biez vykarystańnia pilul. ale... u Amierycy jość štaty, dzie navat psichołahi ŭžo mohuć vypisvać piluli