Samy papularny ŭ śviecie mieniedžar parolaŭ paviedamiŭ pra ŭzłom
Kampanija LastPass, mieniedžar parolaŭ, jakim karystajucca bolš za 33 młn čałaviek pa ŭsim śviecie, paviedamiła, što chakier niadaŭna skraŭ zychodny kod i kanfidencyjnuju infarmacyju kampanii, piša Bloomberg.
Praŭda, kampanija nie ličyć, što niejkija paroli byli skradzienyja, tamu karystalnikam nie treba rabić nijakich dziejańniaŭ dla abarony svaich ulikovych zapisaŭ. Pa źviestkach kampanii heta technična niemahčyma, bo ŭzłomščyki ŭvohule nie atrymali dostupu da danych karystalnikaŭ — tolki da častki ŭnutranych danych kampanii.
Rasśledavańnie pakazała, što złačynca zdoleŭ atrymać dostup da prahramy, jakuju supracoŭniki vykarystoŭvajuć dla raspracoŭki i absłuhoŭvańnia LastPass. «Złačyncy zmahli atrymać dostup praz uzłamany ŭlikovy zapis raspracoŭščyka», — skazali ŭ kampanii.
LastPass stvaraje i zachoŭvaje składanyja dla ŭzłomu zhienieryravanyja paroli dla ŭlikovych zapisaŭ, takich jak Netflix abo Gmail, dla svaich karystalnikaŭ — bieź nieabchodnaści ŭručnuju ŭvodzić ulikovyja źviestki. Klijentami LastPass, siarod inšaha, źjaŭlajucca Harvardski ŭniviersitet, siervis rassyłki MailChimp i adnaj z najbolšych u śviecie strachavych kampanijaŭ Anderson.
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?1
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje99
Kamientary