Mikoła Statkievič: Pacučynaja «haspadarka» ŭvieś čas sprabuje vyraści
Maryna Adamovič, žonka palitviaźnia Mikałaja Statkieviča, jaki ciapier adbyvaje termin u samaj surovaj kałonii ŭ Biełarusi, hłybockaj, va ŭmovach asablivaha režymu, padzialiłasia ŭ fejsbuku vytrymkami z apošnich listoŭ ad muža. Jak ź ich vynikaje, navat u vyklučna nialudskich umovach Statkievič nie tracić humaru i aptymizmu.
12 žniŭnia Mikoła Statkievič napisaŭ:
«Źjaviłasia svaja «haspadarka». Uvachod u akonnuju nišu z boku hałoŭnaj pacučynaj mahistrali ciapier vielmi lohki. I spačatku za ježaj naviedvaŭsia adzin toŭsty i važny pacuk, jaki, nie pavitaŭšysia i nie paprasiŭšy, prosta praviaraŭ, ci pakłaŭ ja jamu što-niebudź za kraty. Nie dačakaŭšysia, i kab kazyrnaje miesca nie prapadała, hety pacuk pryvioŭ tudy dzievačku. Zalacańni skončylisia skandałam i da mianie stała naviedvacca tolki hetaja dzievačka — achajnaja, ź biełymi bakami i čornaj śpinaj. Jana i vitałasia, i prasiłasia, ale ja trymaŭsia, pakul taja nie pryviała z saboj svajo dziciatka. Pryjšłosia paddacca hetaj cyničnaj manipulacyi. Ciapier jany prychodziać pastajanna».
Praz try dni, 15 žniŭnia, Mikoła praciahvaje hetuju temu:
«U mianie ŭsio narmalna. Adčuvaju siabie dobra. Užo całkam pryzvyčaiŭsia da adzinočki i jaje zvyškampaktnaści. Praŭda, pacučynaja «haspadarka» ŭvieś čas sprabuje vyraści. Voś i ciapier u akonnaj nišy dźvie myški i cełaja kuča małych. U mianie padazreńnie, što jany hetych małych adna adnoj pazyčajuć, kab nacisnuć na maje pačućci. Ja trymajusia. Pakul».
Mikałaja Statkieviča zatrymali jašče da prezidenckich vybaraŭ, 31 traŭnia 2020 hoda, pa darozie na Kamaroŭski rynak u Minsku, dzie jon źbiraŭsia naviedać vybarčy pikiet Śviatłany Cichanoŭskaj. Spačatku jaho asudzili na 15 sutak, potym jašče na 15, a paśla raspačali kryminalnuju spravu.
U śniežni minułaha hoda sud, jaki prachodziŭ u zakrytym režymie na terytoryi SIZA, pryhavaryŭ Statkieviča da 14 hadoŭ pazbaŭleńnia voli.
-
«Zarobak u try razy vyšejšy, čym doma». Biełarus raskazaŭ, jak papracavaŭ u Jehipcie na budaŭnictvie AES
-
«Dzied budzie hladzieć asabista. Kali jamu spadabajecca…» Ziankovič raskazaŭ, jak ź im zapisvali pieršaje intervju ŭ SIZA KDB
-
Maładuju dziaŭčynu z Baranavič, jakaja vučyłasia na piedahoha ŭ Hrodnie, aryštavali pa «spravie Hajuna»
Ciapier čytajuć
«Dzied budzie hladzieć asabista. Kali jamu spadabajecca…» Ziankovič raskazaŭ, jak ź im zapisvali pieršaje intervju ŭ SIZA KDB12
Kamientary
- mnie babuška skazała. skazała, čto ona potom vsie vriemia budiet prichodiť. ona na vierandu k nam zašła.
- dažie tak? vot nahłaja. ty znaješ, a vied́ babuška prava. točno. nie daleje, kak včiera na rabotie dievočka sprašivała - nikomu košiečka nie nužna? pribiłaś na dačie k nim... oni jeje podkarmlivali... no... leto zakančivajetsia... vziať k siebie nie mohut (u nich koška užie jesť) tak vot sprašivajut - nikomu košiečka nie nužna? krasivaja