SPRAVA sioleta bje rekordy: na fiestyval raskuplenyja ŭsie kvitki
Upieršyniu ŭ historyi fiestyvalu ŭ vioscy Biełaja Carkva la Čarejskaha voziera (Čašnicki rajon) usie kvitki raspradadzienyja za piać dzion da pačatku padziei. Dadatkovyja 210 kvitkoŭ, jakija arhanizatary vystavili na prodaž učora, byli raskuplenyja za dźvie chviliny, piša Reform.by.
Mižnarodny fest-uzajemadziejańnie z histaryčnym i pryrodnym łandšaftam Biełarusi srodkami sučasnaha mastactva i muzyki SPRAVA budzie prachodzić sioleta 6-7 žniŭnia — užo ŭ hetyja vychodnyja.
Muzyčnaja prahrama padziei abiacaje być unikalnaj. Na fiestyvali buduć pracavać piać scen-prastor: Vieža (mechta) — elektronnaja i dy-džej-scena; Plaž (šatkavałka) — ekśpierymientalnaja embijent-scena ź vizualnym, teatralnym źmiestam; Amfiteatr (studyja 42) — alternatyŭnaja scena; Scena — muzyka; Sad — prastora dla knih, znosin i stvareńnia. Siarod vystupoŭcaŭ zajaŭlenyja: «Hriozy Pafnutija», Triangle, JJ.ok, arkiestr «OKO», prajekt DAH, tochka K, prajekt 5/4, Primary noise, Tsviki, hurt «Sny siniej sobaki», «Morkvoćviet», Garlic&pumpkin stringband, «Kołorit Kulmana», «Vovka Plumbum», Big Daddy Blues dy inšyja muzyki.
Taksama padčas fiestyvalu možna budzie naviedać: teatr, zapis padkasta, hutarki z aŭtarami knih, publičnyja čytańni, cichija ekskursii, markiet ramieśnikaŭ, majstar-kłasy, sustrečy z arnitołaham i šmat inšaha.
Kamanda festu na čale z kulturnym padźvižnikam i režysioram Maćviejem Saburavym vykazvaje padziaku publicy za takuju ŭvahu da padziei, ale paviedamlaje, što novych kvitkoŭ, na žal, nie budzie.
«My bieražliva stavimsia da haściej, udzielnikaŭ i našaha miesca, tamu mahčymaściaŭ pryniać biaskoncuju kolkaść ludziej u nas niama, — prosiać pastavicca z parazumieńniem da situacyi arhanizatary. —
Kamfortnaje raźmiaščeńnie haściej u kempinhu, kolkaść infrastruktury, ježy i inšyja radaści ŭpłyvajuć na jakaść praviadzieńnia i naviedvańnia fiestyvalu».
Kupić bilety — na adzin dzień, biez kempinhu, «prosta dźvie hadziny pahulać pa feście» — siońnia niemahčyma, padkreślivaje kamanda. Jany nie buduć pradavacca. Vyklučeńnie zroblenaje tolki dla žycharoŭ tutejšych viosak, jakija musiać mieć mahčymaść naviedać padzieju, što ładzicca ŭ ich rodnych miaścinach.
Dla tych, chto sioleta nie zdoleje patrapić na SPRAVA, kamanda parupiłasia pra anłajn-tranślacyju jakaja budzie vieścisia na kanale iventa.
Taksama dadatkovyja mierapryjemstvy buduć zładžanyja pry kancy žniŭnia, abiacajuć arhanizatary dziei, — sačycie za anonsami ŭ sacsietkach fiestyvalu.
-
Byłaja palitźniavolenaja žurnalistka Łarysa Ščyrakova zaprašaje na etnafotasety ŭ strojach sa stohadovaj historyjaj FOTY
-
Z dvuzubam Rurykavičaŭ na ścienach. Znojdzieny na Novym zamku ŭ Hrodnie chram CHII stahodździa adrazu ž zakapali
-
U Viciebsku prachodzić vystava hraviur i litahrafij pa matyvach tvorčaści Rafaela
Ciapier čytajuć
Ci mahčymy druhi Čarnobyl? I što ciapier robiać ludzi na toj AES? Navukoŭka adkazvaje na važnyja pytańni4
Ci mahčymy druhi Čarnobyl? I što ciapier robiać ludzi na toj AES? Navukoŭka adkazvaje na važnyja pytańni
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2323
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»23
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary