Fiaduta: Sapraŭdnym arhanizataram zmovy byŭ Ščyhielski, a suvykanaŭcam — Ziankovič
Alaksandr Fiaduta ŭ sudzie pa spravie dziaržpieravarotu zajaviŭ, što nie pryznaje siabie vinavatym «pierš za ŭsio pa abciažarvajučych abstavinach — što złačynstva było ździejśnienaje ź nizkich pamknieńniaŭ», paviedamlaje «Viasna».
«Ja taksama nie zhodny z tym, što ŭ zmoŭščykaŭ byli raźmierkavanyja roli i funkcyi, a taksama što byli niejkija kalehijalnyja rašeńni, tamu što nijakich hałasavańniaŭ nie viałosia», — skazaŭ jon.
Da taho, jak pačali dapytvać Fiadutu, sud spytaŭ pra staŭleńnie da pradjaŭlenaha abvinavačvańnia jašče adnaho abvinavačanaha — Juryja Ziankoviča. Jon zajaviŭ, što vykaža svajo pryznańnie abo niepryznańnie viny pa spravie na nastupnym etapie sudovaha śledstva, kali ŭsie abvinavačanyja daduć pakazańni.
«Ja i ŭ čystasardečnym pryznańni pisaŭ, što liču Juryja Ziankoviča ambicyjnym i valavym, nie zanadta razumnym čałaviekam», — skazaŭ Fiaduta.
Pry hetym jon raspavioŭ, što ŭ hetuju historyju jaho ŭciahnuŭ Dźmitryj Ščyhielski, jaki žyvie ŭ ZŠA. Adkazvajučy na ŭdakładniajučyja pytańni prakurora, Fiaduta vykazaŭ svajo mierkavańnie pra toje, chto arhanizavaŭ zmovu z metaj vajennaha pieravarotu ŭ Biełarusi.
«Liču, što sapraŭdnym arhanizataram zmovy byŭ Ščyhielski, a suvykanaŭcam byŭ Ziankovič», — skazaŭ jon.
-
«Kali vy pazakryvajecie ja**lniki»: złoŭleny na dopinhu amapaviec z Hrodna pakazaŭ svajo vysokakulturnaje abličča
-
Dopyty ŭ kletcy i pahrozy śmierciu. Što adbyvajecca sa studentami EHU paśla pryznańnia ŭniviersiteta «ekstremisckim»
-
Rasijskaja śpiavačka Viktoryja Dajnieka mała taho što prakaciłasia z kancertami pa akupavanych terytoryjach, dyk jašče i pastralała
Ciapier čytajuć
«Kali vy pazakryvajecie ja**lniki»: złoŭleny na dopinhu amapaviec z Hrodna pakazaŭ svajo vysokakulturnaje abličča10
Kamientary