Rasijskija vajskoŭcy, jakija admovilisia vajavać, źviarnulisia ŭ Śledčy kamitet Rasii
Niekalki rasijskich vajskoŭcaŭ, jakija admovilisia praciahvać svaje kantrakty i vajavać va Ukrainie, źviarnulisia sa skarhaj u Śledčy kamitet Rasii, paviedamiŭ u siabie ŭ telehram-kanale kiraŭnik mižnarodnaj pravaabarončaj hrupy «Ahora» advakat Pavieł Čykaŭ.
U skarzie adznačajecca, što za admovu ŭdzielničać u bajavych dziejańniach bolš za 140 vajskoŭcaŭ byli niezakonna pazbaŭlenyja voli i ŭtrymlivalisia ŭ roznych miescach Łuhanskaj vobłaści. Nijakich abvinavačańniaŭ pry hetym im nie pradjaŭlałasia.
Vajskoŭcy paviedamlajuć, što ŭmovy ich utrymańnia parušali pravy čałavieka i byli blizkija da katavańniaŭ. «U pamiaškańni z zakratavanymi voknami i žaleznymi dźviaryma, jakija začyniajucca na zamok zvonku, nie było elemientarnych vyhodaŭ, dla naturalnych patrebaŭ vykarystoŭvałasia žaleznaje viadro i płastykavyja butelki, charčavańnie adsutničała, dakumienty i rečy byli adabranyja», — havorycca ŭ ich zajavie.
Vajskoŭcy prosiać pravieści pravierku i pryciahnuć vinavatych kamandziraŭ da kryminalnaj adkaznaści za pieravyšeńnie słužbovych paŭnamoctvaŭ.
Raniej ŚMI paviedamlali, što rasijskich vajskoŭcaŭ, jakija admovilisia ŭdzielničać u bajavych dziejańniach na terytoryi Ukrainy, siłkom utrymlivajuć u nasielenych punktach Branka i Čyrvony Łuč u Łuhanskaj vobłaści, padkantrolnaj prarasijskim sieparatystam. Skasavać kantrakty vajskoŭcam nie dazvalajuć.
Ciapier čytajuć
Biełaruskaja i rasijskaja armii na biełaruskaj terytoryi trenirujucca nanosić jadzierny ŭdar11
Kamientary