FSB zajaviła pra sprobu ŭkrainskaj raźviedki zavierbavać rasijskich lotčykaŭ i ŭhnać vajskovyja samaloty
FSB Rasii apublikavała videa— i aŭdyjamateryjały, dzie śćviardžajecca, što sarvanaja apieracyja ŭkrainskaj raźviedki i NATA pa viarboŭcy rasijskich lotčykaŭ.
FSB u paniadziełak paviedamiła ab spynieńni apieracyi ŭkrainskaj vajennaj raźviedki pa viarboŭcy rasijskich lotčykaŭ i ŭhonie bajavych samalotaŭ, piša «Interfaks».
Zaznačajecca, što viarboŭščyki rychtavalisia da vykradańnia samalotaŭ Su-24, Su-34 abo Tu-22MZ.
Maŭlaŭ, supracoŭniki ŭkrainskaj vajennaj raźviedki, «dziejničajučy ad imia palityčnaha kiraŭnictva svajoj krainy, sprabavali zavierbavać za hrašovaje ŭznaharodžańnie i harantyi atrymańnia hramadzianstva adnoj z krain Jeŭrasajuza rasijskich vajennych lotčykaŭ».
Na videa, apublikavanym centram hramadskich suviaziaŭ FSB, supracoŭnik ukrainskaj śpiecsłužby zajaŭlaje, što im patrebnyja «cełaja bajavaja adzinka i čałaviek, jaki pierajšoŭ na naš bok». «My hatovyja za jaho płacić. U nas na sajcie Viarchoŭnaj rady napisana, što my płacim aficyjna za takija rečy miljon (dalaraŭ). Možam z vami damovicca — asobna źvierchu jašče miljon, ja vam harantuju», — skazaŭ raźviedčyk.
Taksama pradstaŭnik ukrainskaj raźviedki nibyta tłumačyć lotčyku, jak jaho žonka moža atrymać pašpart adnoj z krain Bałtyi.
U FSB zajavili, što «asnoŭnuju padtrymku» akazvali śpiecsłužby Vialikabrytanii. Akramia taho, tam zajavili pra datyčnaść da apieracyi žurnalista-rasśledavalnika vydańnia Bellingcat Chrysta Hrozieva.
Nibyta praz svajho kaardynatara Hrozieŭ znajšoŭ dźviuch dziaŭčat-kurjerak, jakija sustreli na čyhunačnym vakzale ŭ Lipiecku naniataha ŭkrainskimi raźviedčykami kurjera z Maskvy, jaki vioz avans — 4 tysiačy dalaraŭ dla rasijskaha lotčyka.
Chrysta Hrozieŭ i Hałoŭnaje ŭpraŭleńnie raźviedki Minabarony Ukrainy pakul hetyja zajavy nie kamientavali.
Ciapier čytajuć
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary