Zatrymany stryječny brat Vasila Parfiankova, jaki, imavierna, zahinuŭ va Ukrainie
Stryječnaha brata zahinułaha bajca Pałka imia Kastusia Kalinoŭskaha Vasila Parfiankova Siarhieja pasadzili na 15 sutak. Pra heta stała viadoma «Biełsatu».
Paśla taho, jak stała viadoma pra toje, što Vasil zahinuŭ pad Lisičanskam, na pracy kiraŭnictvu Siarhieja paviedamili, što jon «niadobranadziejny» elemient, bo jaho brat vajavaŭ na baku Ukrainy suprać rasijskaj ahresii.
8 lipienia Siarhiej pajšoŭ u milicyju, kudy jaho vyklikali na razmovu, i paśla hetaha suviaź ź im źnikła. Pozna ŭviečary svajakam skazali, što jaho adpuścili, ale dadomu jon nie pryjšoŭ. 9 lipienia stała viadoma, što Siarhiej aryštavany.
U kancy červienia połk Kalinoŭskaha straciŭ šerah bajcoŭ: niekatorych zabili, niekatorych uziali ŭ pałon. Z aficyjnaha paviedamleńnia pałka stała viadoma jašče pra traich mierkavana zahinułych. Siarod ich byŭ Parfiankoŭ.
Kamientary