Maskva nazvała parušeńniem kanfidencyjnaści pieramovaŭ zapis francuzskimi žurnalistami dyjałohu Pucina i Makrona. Pucin na zapisie vyhladaje nie najlepšym čynam
U filmie francuzskaha telebačańnia pakazali zapis taho, jak adbyvalisia pieramovy Makrona i Pucina pierad vajnoj. Pucin u ich vyhladaje daloka nie haspadarom situacyi, Makron havoryć ź im na ty i prymušaje apraŭdvacca.
Kadry pieramoŭ pakazali ŭ dakumientalnym filmie francuzskaha režysiora Hi Łahaša «Prezident, Jeŭropa i vajna» pra kroki Makrona pa ŭrehulavańni kanfliktu.
Zapisanyja pieramovy adbyvalisia napiaredadni vajny.
«Ja nie viedaju, dzie tvoj juryst vyvučaŭ prava. Ja prosta hladžu na hetyja teksty i starajusia ich prymianić. Ja nie viedaju, jaki juryst moh skazać tabie, što ŭ suvierennaj dziaržavie teksty zakonaŭ składajuć sieparatysckija hrupy, a nie demakratyčna abranyja ŭłady», — paryruje Makron.
«Jany nie demakratyčna abrany ŭrad, tamu što jany pryjšli da ŭłady ŭ vyniku kryvavaha pieravarotu z zabojstvami i padpałami, i sa spalvańniem ludziej žyŭcom. I Zialenski vaš z hetaj kamandy», — adbivaŭsia Pucin dovadami prapahandy.
«Naš pavažany kaleha — spadar Zialenski — nasamreč, ničoha nie robić, jon vas padmanvaje. Ja nie viedaju, ci čuŭ ty: zajaviŭ ŭčora, što ličyć, heta samaje, što Ukraina pavinna viarnucca da jadziernaha statusu», — kazaŭ u tych pieramovach Pucin.
Rasijskaja prapahanda i ŭłady pryjšli ŭ šalenstva ad filma.
«Kali ažyćciaŭlajucca zvanki na najvyšejšym uzroŭni, to heta, viadoma, kanfidencyjnaja historyja, naturalna, heta zakrytyja pieramovy. Akazałasia, što paru miesiacaŭ tamu, kali Makron telefanavaŭ prezidentu Rasii, usiu razmovu zapisvała žurnalisckaja kamiera z žurnalistami, jakija siadzieli i ŭsio heta zdymali. Heta prykład taho, što mienavita tak jany razumiejuć słova «dypłamatyja», — aburyłasia pradstaŭnica MZS RF Maryja Zacharava ŭ efiry «Rasija-1»
Jana zajaviła, što Francyja parušyła kanfidencyjnaść pieramovaŭ.
-
«Palić naftapierapracoŭčyja zavody». Kit Kiełah paraiŭ, što treba rabić Ukrainie paśla papiaredžańniaŭ Trampa
-
U Francyi chakiery ŭzłamali chaładzilniki ŭ sotniach supiermarkietaŭ. Zamiest minusavoj tempieratury jany stali davać plusavuju
-
U Hiermanii zatrymali padazravanych u padpale stancyi Starlink u Polščy. Jany inšaziemcy
Kamientary
šo u jaho sa šnobielem?