Naŭsieda: NATA patrebna bolšaja prysutnaść u Bałtyi z-za rasijskaj pahrozy ź Biełarusi
NATA treba bolš «bačnaje» prysutnaść u krainach Bałtyi, kab supraćstajać pahrozie, jakuju Rasija robić ź Biełarusi. Pra heta zajaviŭ prezident Litvy Hitanas Naŭsieda ŭ kamientary vydańniu Politico.
Naŭsieda skazaŭ, što «vielmi surjoznyja fundamientalnyja źmieny» ŭ susiedniaj Biełarusi robiać Litvu bolš uraźlivaj dla chutkaha napadu Rasii i patrabujuć źmieny miechanizmaŭ biaśpieki ŭ rehijonie.
Litoŭski lidar skazaŭ, što siońniašniuju Biełaruś jon usprymaje jak «dadatkovuju pravincyju» Maskvy, dadaŭšy, što»rasijskaje vojska moža rabić usio, što choča, pierakidać siły, raźmiaščać techniku».
Naŭsieda nahadaŭ, što ŭ minułym stratehija NATA hruntavałasia na padmacavańniach. Nievialikija siły byli raźmieščany na ŭschodniaj ŭskrainie aljansu i čakałasia, što sajuźniki pryjduć na dapamohu rehijonu ŭ vypadku napadu. Ale novaja realnaść, pa słovach litoŭskaha lidara, «nie pakidaje nam času na reakcyju», tamu što rasijskija vojski «mohuć być lohka pierakinutyja ŭ niepasrednuju blizkaść ad našaj miažy i času dla padmacavańnia nie budzie».
Hiermanija, jakaja ŭznačalvaje bajavuju hrupu NATA ŭ Litvie, niadaŭna abviaściła, što pavialičyć svoj układ u abaronu krainy. Płan uklučaje vojski, jakija buduć nakiravanyja na harantavańnie biaśpieki Litvy, ale farmalna buduć bazavacca ŭ Hiermanii.
Choć lidary krain Bałtyi nastojvajuć na pavieličeńni kolkaści vojskaŭ i pastajannaj prysutnaści, prezident Litvy pryznaŭ najaŭnaść šmatlikich materyjalna-techničnych pieraškod.
«Pastajannaje raźmiaščeńnie sił NATA ŭ Litvie było b našym pryjarytetam, ale heta taksama zaležyć ad našych mahčymaściaŭ i zdolnaści ich pryniać», — skazaŭ jon, spasłaŭšysia na patrebu ŭ adpaviednaj infrastruktury.
Ciapier čytajuć
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary