Polšča i Ukraina zaklučyli najbujniejšaje za 30 hadoŭ vajennaje pahadnieńnie
Premjer-ministr Polščy Matevuš Maraviecki ŭ aŭtorak paćvierdziŭ padpisańnie pahadnieńnia ab pastaŭkach Ukrainie ŭzbrajeńnia, zajaviŭšy, što jano źjaŭlajecca adnym z najbujniejšych za apošnija 30 hadoŭ.
«My padpisvajem adzin z najbujniejšych, kali nie samy bujny kantrakt na ekspart uzbrajeńniaŭ za apošnija try dziesiacihodździ — prodaž zbroi ŭkraincam», — skazaŭ Maraviecki padčas pres-kanfierencyi na polskim abaronnym zavodzie Huta Stalowa Wola.
«Heta pravieranaja časam zbroja, zbroja, jakaja źjaŭlajecca dosyć staranna vyprabavanaj, jakaja nie tolki projdzie chryščeńnie ahniom, ale i, jak my ciapier viedajem, budzie vielmi važnaj zbrojaj na pole boju, chutčej za ŭsio, na ŭschodzie Ukrainy», — dadaŭ jon.
Kiraŭnik polskaha ŭrada nazvaŭ Huta Stalowa Wola «adnoj z žamčužyn u karonie abaronnaj pramysłovaści krainy, ale adznačyŭ, što ŭ pradpryjemstva jašče jość patencyjał dla raźvićcia.
«Ale my rady ciapier mieć mahčymaść pradavać naša zbroja za miažu», — padkreśliŭ Maraviecki.
Jon nie raskryŭ detalaŭ uhody, ale, jak śćviardžała vydańnie Dziennik sa spasyłkaj na krynicy, havorka idzie ab uhodzie na sumu amal try miljardy złotych (amal 630 miljonaŭ dalaraŭ) na pastaŭku kala 60 polskich samachodnych artyleryjskich haŭbic AHS Krab u prydaču da tych 18, jakija ŭžo pieradała Polšča.
Ciapier čytajuć
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma16
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary