Na mohiłkach pravasłaŭnaj carkvy Śviatoj Lizaviety ŭ niamieckim horadzie Visbadenie ŭparadkavali mahiłu biełaruskaha navukoŭca i hramadskaha dziejača Barysa Kita, jaki pamior ŭ 2018 hodzie, i adnavili kryž na joj, piša «Radyjo Svaboda».
«U Visbadenie była bura, na pravasłaŭnych mohiłkach dreva ŭpała na mahiłu Barysa Kita i na susiedniuju, pałamała dva kryžy, u tym liku jaho draŭlany i susiedni, kamienny. Dreva śpiłavali, a kryž Kita my adramantavali i pastavili na miesca», — raskazaŭ «Svabodzie» miascovy žychar, jaki dapamoh uparadkavać mahiły Barysa Kita i jahonaj žonki Tamary Kazievič.
Mahiły Barysa Kita i Tamary Kazievič raniej uparadkavali za košt dački Tamary Ireny i ŭnuka Alaksandra. Jany ž pastavili kamienny pomnik Tamary. A na mahiłu Barysu Kitu jahonyja ziemlaki z Hrodzienščyny zrabili mietaličny kryž, jaki pa formie nahadvaje kryž śviatoj Jeŭfrasińni. Taki ž kryž staić na mahile maci Barysa Kita ŭ Kareličach. Hety kryž dastavili ź Biełarusi ŭ Biełastok, adtul pradstaŭniki biełaruskaj dyjaspary ŭ Polščy źbirajucca pryvieźci jaho ŭ Visbaden.
U suviazi z pandemijaj karanavirusa heta zaciahnułasia, ale aktyvisty źbirajucca dastavić i ŭstalavać novy kryž ciaham 2022 hoda.
Kamientary