Apošnija dasiahnieńni Rasiei na Danbasie źviazanyja z tym, što rasiejskija vojski nastupajuć na mienšaj terytoryi, a taksama z hieahrafijaj miascovaści. Jak paviedamlaje «Jeŭrapiejskaja praŭda», pra heta na bryfinhu ŭ piatnicu skazaŭ pradstaŭnik Pientahona Džon Kirbi.
Kirbi nahadaŭ, što nastupleńnie rasijskich vojskaŭ na Kijeŭ zaviaršyłasia pravałam z-za łahistyčnych prablem, u vyniku jakich kałona techniki była raściahnutaja na dziasiatki kiłamietraŭ udalečyni ad krynic zabieśpiačeńnia.
«Danbas — heta inšaja terytoryja. Jana raŭniejšaja, bolš adkrytaja, šmat paloŭ, małyja harady i vioski. I pakolki jon na ŭschodzie Ukrainy, to bližej da miežaŭ Rasii i ich łancuhoŭ pastavak dy resursaŭ. Jany zaraz bolš aściarožna prasoŭvajucca, kab nie zajści zanadta daloka», — dadaŭ Kirbi.
Pradstaŭnik amierykanskaha Minabarony zaznačyŭ taksama, što prasoŭvańnie RF na Danbasie abmiažoŭvajecca tym, što vojski nie chočuć adarvacca ad łancuhoŭ zabieśpiačeńnia.
«Častkova heta źviazana z hieahrafijaj — blizkaściu da Rasii i asablivaściami terytoryi. Ale jašče adna pryčyna, čamu jany tolki pastupova prasoŭvajucca — viadoma, nie tolki z-za ŭkrainskaha supracivu, ale i tamu, što jany nie chočuć adyści zanadta daloka ad krynic zabieśpiačeńnia», — skazaŭ jon.
U toj ža čas u Pientahonie nie ličać, što Rasii całkam udałosia spravicca z prablemami padčas nastupleńnia — kiravańniem, zabieśpiačeńniem, intehracyjaj naziemnych i pavietranych apieracyj. «Jany zusim nie zmahli avałodać imi», — skazaŭ Kirbi.
Jon taksama paviedamiŭ, što Złučanyja Štaty nie razhladajuć varyjantu vajennaha ŭmiašańnia dla razbłakavańnia ekspartu ŭkrainskaha zbožža Čornym moram.
Ciapier čytajuć
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary