Zinaida Hančar, Volha Zavadskaja i Uljana Zacharanka vykazvajuć zaniepakojenaść mahčymym vizitam u Litvu kiraŭnika Biełarusi Alaksandra Łukašenki.
U zvarocie nakiravanym prezidentu Litvy Dali Hrybaŭskajte svajaki źnikłych — Zinaida Hančar, Volha Zavadskaja i Uljana Zacharanka — vykazali zaniepakojenaść mahčymym vizitam u Litvu kiraŭnika Biełarusi Alaksandra Łukašenki. Jany prosiać pryniać usie miery, kab hety vizit nie adbyŭsia.
3‑ha vieraśnia list byŭ pieradadzieny ambasadaru Litvy. Jaho aŭtary źviartajuć uvahu pra najaŭnaść dokazaŭ dačynieńnia vyšejšych asobaŭ dziaržavy da złačynnych dziejańniaŭ.
U liście havorycca, što sioleta spaŭniajecca 10 hod z momantu palityčnych vykradańniaŭ u Biełarusi.
«Našy šmatlikija chadajnictvy ab praviercy dačynieńnia da złačynstvaŭ vyšejšych asobaŭ dziaržavy kampietentnymi orhanami niematyvavana adchilalisia. Ułady Biełarusi praciahły čas demanstrujuć niežadańnie rasśledavać hetyja spravy», — havorycca ŭ liście.
«Jak nam stała viadoma, 16 vieraśnia 2009 hodu ŭ litoŭskaj stalicy budzie prachodzić litoŭska‑biełaruski biźnies‑forum, na jaki pavinien pryjechać i A.Łukašenka.
Ale mienavita ŭ hety dzień 10 hadoŭ tamu, 16 vieraśnia 1999 hoda, byŭ vykradzieny Viktar Hančar i biźniesoviec Anatol Krasoŭski. Vizit Łukašenki, z našaha punktu hledžańnia, budzie aznačać adno — pryznańnie Litoŭskaj Respublikaj lehitymnaści ciapierašniaha kiroŭnaha režymu, jaki dahetul padazrajecca ŭ strašnych złačynstvach,» — nahadvajuć svajaki źnikłych.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary