Maryupal na miažy epidemičnaj i ekałahičnaj katastrof z-za trupnaha jadu
Pra heta paviedamiła ŭpaŭnavažanaja Viarchoŭnaj Rady Ukrainy pa pravach čałavieka Ludmiła Dzianisava.
Pavodle jaje słoŭ, na praciahu amal troch miesiacaŭ akupacyi horada žychary chavali zabitych rodnych i susiedziaŭ u dvarach kala damoŭ, jakija znachodziacca pobač z kamunikacyjami vodazabieśpiačeńnia i vodaadviadzieńnia.
«Mahiły pieravažna nie vielmi hłybokija — amal na pavierchni. Paśla zapusku paškodžanych sistem vodazabieśpiačeńnia vada vyliłasia na pavierchniu ziamli i pačała razmyvać stychijnyja pachavańni. Praz heta źjaviłasia vysokaja pahroza papadańnia trupnych jadaŭ, bakteryj, mikabakteryj tubierkulozu i inšych uzbudžalnikaŭ chvarob, jakija mahli być u pamierłaha, u vadapravodnuju sistemu, padziemnyja krynicy i reki z moram. Uličvajučy, što filtracyjnyja sistemy i pompavyja stancyi dla pierapampoŭki kanalizacyjnych ściokaŭ taksama paškodžanyja akupantami, pitnaja vada źmiešvajecca sa ściokami z kanalizacyi i stanovicca nieprydatnaj dla spažyvańnia», — adznačyła jana.
Akramia taho, jak patłumačyła Dzianisava, rasijskija zachopniki pieratvaryli horad u śmiećciazbornik, tamu što bytavoje śmiećcie niemahčyma vyvieźci ŭžo dva miesiacy, jaho pačali vykidvać pobač z damami.
«Častka śmiećcia zatoplenaja vadoj z paškodžanych trub vodazabieśpiačeńnia i ad daždžoŭ, što pryvodzić da rostu patahiennych bakteryj, jakija zatym traplajuć u hruntavyja vody, reki i mora. Taksama z-za razarvanych rakiet i avijabombaŭ, hleba, padziemnyja vody ŭ horadzie zabrudžanyja chimičnymi rečyvami i ciažkimi mietałami, što pryvodzić da niebiaśpiečnaha dla čałavieka i navakolnaha asiarodździa nazapašvańnia kancerahiennaha śmiećcia. Heta pahražaje masavymi atručeńniami i epidemijaj infiekcyjnych chvarob siarod maryupalcaŭ, a nastupstvy dla navakolnaha asiarodździa buduć vymiaracca hadami nie tolki va Ukrainie, ale i za jaje miežami», — padkreśliła Dzianisava.
Ciapier čytajuć
Łukašenka zajaviŭ pra hatoŭnaść pryjechać u Kijeŭ68
Kamientary