Łukašysty abrynulisia na kniharniu za toje, što jana pradaje knihi na biełaruskaj movie
Siońnia pačała pracavać kniharnia «Knihaŭka», adkrytaja vydaviectvam «Januškievič». I na jaje adrazu pajšła ataka.
Na adkryćcio źjavilisia viadomyja prapahandysty Ludmiła Hładkaja i Ryhor Azaronak. Tam jany stali čaplacca da źmiestu knih, jakija byli ŭ prodažy.
Uvahu Azaronka pryciahnuła fatahrafija, na jakoj vyjaŭlenaje ŭstupleńnie litoŭskaj armii ŭ Vilniu ŭ 1939 hodzie. Nie ŭ praviłach prapahandystaŭ raźbiracca ŭ detalach — heta dla ich «vielmi padobna na parad vieteranaŭ SS».
Viadoma, što litoŭcy pryjšli tady ŭ Vilniu, pierad hetym zaklučyŭšy pahadnieńnie zusim nie z Hitleram, a ź lubimym Azaronkam Stalinym. Pavodle hetaj damoŭlenaści kantrol nad Vilniaj litoŭskim vajskoŭcam biez usialakich bajoŭ pieradała Čyrvonaja Armija ŭ abmien na prava raźmiaščeńnia ŭ Litvie vajskovych bazaŭ. Što nieŭzabavie, užo ŭletku 1940-ha, pryviało da savieckaj akupacyi Litvy.
Azaronak i K, na žal, u ciapierašnich umovach majuć raskošu naviešvać jarłyki biez usialakaj uvahi na adpaviednaść faktam i zdarovamu sensu.
Najezdy na kniharniu Ludmiła Hładkaja paśla praciahnuła ŭ svaim telehram-kanale. Pretenzii — faktyčna tolki da taho, što vydaŭcy ŭ Biełarusi aśmielvajucca vydavać i pradavać knihi na biełaruskaj movie i ź biełaruskim źmiestam.
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2121
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ21
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary