Hetaje rečyva dakładna jość u vas doma. Ale naŭrad ci vy viedali, nakolki jano kaštoŭnaje

Charčovaja soda (ci hidrakarbanat natryju) — heta niearhaničnaje chimičnaje złučeńnie, kryštaličny parašok, zdolny pahłynać vadu. Sodu vykarystoŭvajuć u kaśmietycy, praduktach charčavańnia, niekatorych lekach.

Soda maje bieźlič karysnych dla arhanizma charaktarystyk. Siarod ich — supraćmikrobnyja i supraćzapalenčyja ŭłaścivaści, zdolnaść niejtralizoŭvać kisłatu.

Soda — całkam bijaraskładalnaje rečyva, a značyć, jano absalutna ekałahična čystaje.

Soda: instrukcyja pa prymianieńni

U chatnich umovach sodu možna vykarystoŭvać u roznych formach: suchi parašok, pasta ci rastvor. U vypadku sa śvierbam i sypam na skury źmiašajcie sodu z vadoj, kab atrymałasia hustaja pasta, i naniasicie niepasredna na miesca razdražnieńnia. Kab uzmacnić karysnaje dziejańnie sody, dadajcie niekalki kroplaŭ nastoju kalenduły ci soku ałoe viera.

Hetaja ž pasta dapamoža ŭ vypadku z dermatytam u hrudnoha dziciaci. Treba prosta nanieści jaje na miesca zapaleńnia, pačakać, pakul pasta vysachnie, i zmyć jaje vadoj.

Kali treba ablehčyć nastupstvy apiokaŭ, namačycie tkaninu ŭ rastvory sody i pakładzicie jaje na miesca apioku. Jašče ŭ hetaj situacyi možna pryniać vannu z ¼ stakana charčovaj sody i z pałovaj stakana kukuruznaj muki. Takaja vanna dapamoža źnizić razdražnieńnie na skury.

Soda moža stać dobrym dadatkam pry lačeńni hrybka i pryščoŭ. Možna źmiašać sodu z masłam čajnaha dreva, kab palepšyć jaje efiektyŭnaść, i kropkava nanosić hetuju sumieś na miescy zapaleńniaŭ.

Kali adčuvajecie bol ci ciažar u straŭniku paśla ŭžyvańnia vialikaj kolkaści ježy ci ałkaholu, soda taksama moža dapamahčy. Raźviadzicie čajnuju łyžku sody ŭ stakanie vady, dadajcie niekalki kroplaŭ limonnaha soku i vypicie. Inšy varyjant lačeńnia hetaj ža prablemy — drobka sody na kubak miatnaj harbaty.

Čajnaja łyžka sody na stakan vady taksama dapamoža pazbavicca ad zapora.

Soda ŭ kaśmietycy i padčas prastudy

Kali balić horła, varta pałaskać jaho dvojčy na dzień rastvoram z sody i ciopłaj vady. Taksama pasprabujcie pry prastudzie inhalacyi z sodaj, dla hetaha vaźmicie stałovuju łyžku sody na litr kipniu. Takaja inhalacyja pavinna doŭžycca 10 chvilin, a rabić jaje varta dvojčy na dzień. Heta dapamoža źnizić razdražnieńnie ślizistaj horła i palehčyć dychańnie.

Inhalacyi z sodaj taksama mahli b być karysnymi dla chvorych na mukaviscydoz, ale ŭ hetym vypadku treba prakansultavacca pra takoje lačeńnie z doktaram.

Kali chočacie zrabić vałasy bolš miakkimi, soda i tut dapamoža. Rastvarycie čajnuju łyžku sody ŭ šampuni dla vałasoŭ, naniasicie sumieś na hałavu i masirujcie skuru hałavy try chviliny. Potym zmyjcie sumieś z vałasoŭ — jany buduć bolš čystymi i miakkimi.

Narešcie, charčovaja soda — cudoŭny srodak dla tych, chto pakutuje praz drenny pach z rota. Źmiašajcie sodu z vadkaściu dla pałaskańnia rota, i vy zdolejecie pazbavicca hetaj dalikatnaj prablemy.

Ci moža soda naškodzić?

Lepiej za ŭsio vybirać najmienšuju efiektyŭnuju daziroŭku sody dla ŭžyvańnia. Kali ž hetaha rečyva budzie zanadta šmat, vy možacie sutyknucca ź niepryjemnymi nastupstvami, takimi jak młosnaść, hałaŭny bol, razdražnialnaść, słabaść u muskułach i aciok stupniaŭ.

Nie treba prymać sodu daŭžej za dva tydni.

A voś śpis faktaraŭ, ludziam ź jakimi dakładna supraćpakazanaje terapieŭtyčnaje ŭžyvańnie sody: pryjom sardečnych preparataŭ ci antacydaŭ, pavyšany ŭzrovień natryju ŭ syrovatcy kryvi, nyrkavaja niedastatkovaść i reśpiratorny ałkałoz.

«Našu Nivu» finansujuć jaje čytačy — padtrymać prosta

Čytajcie taksama:

Hetaje rečyva nazyvajuć eliksiram maładości. Jak jaho ŭžyvać?

Navukoŭcy raspaviali, jakaja śpiecyja zachoŭvaje maładość i dapamahaje schudnieć

• 17
• 0
• 1
• 3
• 9
• 0
• 1
• 0