Krynicy The New York Times: Amierykanskija raźvieddanyja dapamahli ŭkraincam zabić šmat rasijskich hienierałaŭ
U haziecie The New York Times vyjšaŭ artykuł, jaki bazujecca na ananimnych amierykanskich krynicach. Jany zajavili, što raźvieddanyja, jakimi ZŠA dzielacca z Ukrainaj, vykarystoŭvalisia dla naniasieńnia ŭdaraŭ, paśla jakich zahinuli rasijskija hienierały.
Pry hetym krynicy adznačajuć, što nie ŭsie takija ŭdary byli zasnavanyja na amierykanskich źviestkach i ŭdar pa kamandnym punkcie ŭ Iziumie 30 krasavika, dzie niezadoŭha da hetaha znachodziŭsia načalnik rasijskaha Hienštaba Valeryj Hierasimaŭ, nie abapiraŭsia na amierykanskuju infarmacyju.
Rasija nie paviedamlała ni pra ŭdar pa Iziumie, ni pra pajezdku Hierasimava na ŭschod Ukrainy. Ale niekalki dzion tamu ŚMI pra heta paviedamili krynicy ŭ amierykanskaj raźviedvalnaj supolnaści.
Niekatoryja ŭkrainskija aficyjnyja asoby navat kazali, što sam Hierasimaŭ trapiŭ pad abstreł i byŭ paranieny, ale nichto nie paćvierdziŭ heta: ni inšyja ŭkrainskija čynoŭniki, ni amierykancy, ni Maskva.
U artykule New York Times krynicy śćviardžajuć, što Vašynhton nie dazvoliŭ by vykarystać svaje danyja dla zamachu na žyćcio najvyšejšaha vajskovaha kiraŭnictva Rasii, da jakoha jon adnosić Hierasimava. Pientahon pakul nie kamientuje padobnyja artykuły.
Ukraina śćviardžaje, što ad pačatku vajny na froncie byli zabityja 12 vyšejšych rasijskich aficeraŭ. Heta anamalna vialikaja kolkaść, prynamsi, pa mierkach zachodnich armij, kažuć ekśpierty.
Rasija aficyjna paćvierdziła hibiel dvuch namieśnikaŭ kamandujučaha armijami: hienierał-majora Andreja Suchavieckaha i hienierał-majora Uładzimira Frałova.
Ciapier čytajuć
Źmicier Daškievič skazaŭ, što treba rabić biełarusam zaraz, kab kraina stała svabodnaj i niezaležnaj38
Kamientary