U Biełarusi praviaduć ekśpierymient z płatnaj miedycynaj u vychadnyja i śviaty
Kala 20 miedycynskich ustanoŭ krainy buduć akazvać płanavuju dapamohu ŭ vychadnyja i śviaty tolki za hrošy.
Urad abviaściŭ pra ekśpierymient pa akazańni płatnych miedycynskich pasłuh u niekatorych dziaržustanovach achovy zdaroŭja ŭ vychadnyja i śviaty «zvyš ustanoŭlenaha dziaržavaj harantavanaha abjomu biaspłatnaj miedycynskaj dapamohi».
U vychadnyja i śviaty šerah miedustanoŭ budzie akazvać płatnyja pasłuhi, jakija adnosiacca «da płanavaj pieršasnaj, śpiecyjalizavanaj, vysokatechnałahičnaj miedycynskaj dapamohi» (za vyklučeńniem miedycynskich pasłuh dzieciam, a taksama transpłantacyi orhanaŭ i tkanak).
Što značyć, «zvyš ustanoŭlenaha dziaržavaj harantavanaha abjomu biaspłatnaj miedycynskaj dapamohi», dakładna nie viadoma.
Zaćvierdžany pieralik ustanoŭ, jakija buduć udzielničać u praviadzieńni ekśpierymientu. U pryvatnaści, u jaho ŭklučanyja:
- Minski navukova-praktyčny centr chirurhii, transpłantałohii i hiematałohii;
- Respublikanski navukova-praktyčny centr traŭmatałohii i artapiedyi;
- Respublikanski navukova-praktyčny centr «Maci i dzicia»;
- Respublikanski navukova-praktyčny centr ankałohii i miedycynskaj radyjałohii imia M. M. Alaksandrava;
- Respublikanski navukova-praktyčny centr «Kardyjałohija»;
- Haradskaja kliničnaja balnica chutkaj miedycynskaj dapamohi, Minsk;
- Haradskaja kliničnaja balnica chutkaj miedycynskaj dapamohi Hrodna;
- Astravieckaja centralnaja rajonnaja kliničnaja balnica;
- Viciebskaja abłasnaja kliničnaja balnica;
- Minskaja abłasnaja dziciačaja kliničnaja balnica.
Ekśpierymient projdzie z 1 maja 2022 hoda pa 1 maja 2023 hoda. Potym Ministerstva achovy zdaroŭja praanalizuje vyniki i pradstavić u Saŭmin svaje prapanovy.
-
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna
-
U Baranavičach ušanavali pamiać lotčykaŭ-hierojaŭ Andreja Ničyporčyka i Mikity Kukanienki
-
Na vybarach u Kaardynacyjnuju radu nie zmahli prahałasavać try pracenty
Kamientary