Recept na vychadnyja. Pirožnyja paštejš — vizitnaja kartka partuhalskaj kuchni
Hetyja smačnyja košyki sa słojenaha ciesta, napoŭnienyja dalikatnym kremam z pacham karycy i limona, viedajuć va ŭsim śviecie jak adnu z samych znakamitych straŭ partuhalskaj kuchni. Pryhatavać paštejš doma lahčej, čym vam moža zdavacca.
Fota: BBC Food
Kab pryhatavać paštejš, vam spatrebicca:
- 250 hramaŭ cukrovaj pudry,
- pałačka karycy,
- cedra pałovy limona,
- 25 hramaŭ muki + dadatkovaja muka dla pasypańnia,
- 12 hramaŭ kukuruznaha kruchmału,
- 300 mililitraŭ małaka,
- 4 žaŭtki + 1 cełaje jajka,
- nasieńnie z adnaho stručka vanili (ci 15 hramaŭ vanilnaha cukru),
- 300 hramaŭ hatovaha słojenaha ciesta.
- Razahrejcie duchoŭku da samaj vysokaj z mahčymych tempieratur ci jak minimum da 230 hradusaŭ.
- Kab zrabić cukrovy sirop, nalicie ŭ kastrulu 250 mililitraŭ vady i pakładzicie tudy cukrovuju pudru, karycu i cedru limona. Daviadzicie da kipieńnia, varycie paśla zakipańnia 3 chviliny. Adstaŭcie sirop u bok, pakul jon całkam nie astynie, potym prybiarycie ź siropu karycu i cedru limona.
- Kab zrabić krem dla paštejš, źmiašajcie muku i kruchmał u miscy. Dadajcie 2-3 stałovyja łyžki małaka i raźmiašajcie sumieś palcam, kab jana stała adnarodnaj.
- Daviadzicie reštu małaka da kipieńnia ŭ kastruli na małym ahni, pastajanna pamiešvajcie. Pastupova dadavajcie małako da mučnoj sumiesi, potym uźbivajcie sumieś na praciahu chviliny, ci pakul jana nie nabudzie hładkuju i adnarodnuju strukturu. Pavolna ŭmiašajcie ŭ krem cukrovy sirop, potym pastupova ŭmiašajcie ŭ sumieś žaŭtki, jajka i vanil. Uźbivajcie krem, pakul jon nie stanie adnarodnym. Adstaŭcie ŭbok.
- Raskatajcie ciesta na pasypanaj mukoj pavierchni ŭ prastakutnik prykładna milimietrovaj taŭščyni. Paviarnicie da siabie samy doŭhi bok prastakutnika i skrucicie ciesta ŭ jak maha bolš ščylny rulet, zmažcie jaho vadoj. Narežcie rulet na dyski taŭščynioj dva santymietry.
- Pakładzicie dyski pa adnym u formy dla kieksaŭ i mokrymi palcami patrycie dyski kruhavymi ruchami, kab ciesta padniałosia ŭ formie vyšej. Sačycie za tym, kab u cieście nie było dzirak.
- Kładzicie na asnovu krem, pakul formy amal całkam nie zapoŭniacca.
- Vypiakajcie na praciahu 20 chvilin, ci pakul pavierchnia pirožnych nie paciamnieje. Pierad padačaj astudzicie pirožnyja jak minimum 10 chvilin, kab krem trochi zastyŭ.
«Našu Nivu» finansujuć jaje čytačy — padtrymać prosta
Čytać taksama:
Nie vykidajcie kostku ad avakada — voś 6 varyjantaŭ taho, jak jaje vykarystać u ježu ci dla kaśmietyki
Recept na vychadnyja. Anhlijski piroh banofi — banany i karamiel pad lohkaj šapkaj z uźbitych viarškoŭ
Ciapier čytajuć
Addanaha jabaćku, jaki abražaŭ Śviatłanu Cichanoŭskuju ŭ Threads, kinuli za kraty4
Kamientary