Ministr justycyi: Kala 50 advakataŭ sa žniŭnia 2020 hoda stracili licenzii «z-za destruktyŭnaj pazicyi»
Dziejańni kvalifikacyjnaj kamisii, na dumku Siarhieja Chamienki, «adpaviadali zakonu».
U Biełarusi sa žniŭnia 2020 hoda kala 50 advakataŭ stracili licenzii. Pra heta ŭ efiry «Biełaruś 1» raspavioŭ ministr justycyi Siarhiej Chamienka.
Pa słovach kiraŭnika Miniusta, advakaty byli pazbaŭlenyja licenzij za parušeńnie kryminalnaha albo administracyjnaha zakanadaŭstva. Dziejańni kvalifikacyjnaj kamisii, na dumku Chamienki, «adpaviadali zakonu».
— Advakat — heta ŭdzielnik sudovaha pracesu, adzin z asnoŭnych. Ci maje advakat prava na asabistuju niebiezdakornaść? Napeŭna, pravilny adkaz: «Nie!».
Chamienka pryvioŭ prykład: «Advakat udzielničaŭ u niesankcyjanavanym mitynhu, akazaŭ aktyŭny supraciŭ supracoŭnikam orhanaŭ unutranych spraŭ. Jakoje rašeńnie pavinien pryniać ministr?». Taki čałaviek nie moža być advakatam, upeŭnieny Chamienka.
Heta niepraŭdzivaje śćviardžeńnie. Nasamreč, va ŭsich vypadkach, jakija stali zdabytkam hałosnaści, advakaty, jaki byli pazbaŭleńnia licenzij, źviazanyja z tym, što jany nie prajšli pieraatestacyju.
— Kali pakajucca, voźmiecie nazad? — pacikaviŭsia žurnalist dziaržaŭnaha telebačańnia.
— Rašeńnie prymaje Biełaruskaja respublikanskaja kalehija advakataŭ, a dla hetaha nieabchodna prajavić siabie sapraŭdnym hramadzianinam, zrazumieć i likvidavać prablemy, jakija byli, a dalej u adpaviednaści z Zakonam ab advakatury — jość šlach, pa jakim možna viarnucca nazad, — adkazaŭ Chamienka.
Miarkujecca, što nasamreč ukazańni nakont taho, kaho treba pazbavić advakackaj licenzii, kalehijam advakataŭ dajuć siłavyja struktury, jak i pry zvalnieńniach ludziej za palityčnyja pohlady ź inšych ustanoŭ.
Čytajcie taksama:
Łukašenka choča, kab advakaty byli «dziaržaŭnymi ludźmi», a na «prydumanuju» svabodu zabylisia
Nie prajšła pieraatestacyi advakatka Maryja Kolesava-Hudzilina
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj46
Kamientary