Prakapienia: «Ruskija atakavali našu biržu, jak tolki my abvieścili svajo rašeńnie»
Na minułym tydni biełaruski multymiljanier Viktar Prakapienia, jaki žyvie ŭ Łondanie, abviaściŭ pra toje, što jaho placoŭka dla handlu kryptavalutami Currency.com pierastanie absłuhoŭvać rasijskich klijentaŭ. Ën nie čakaŭ, što adkaz budzie taki chutki.
Praź niekalki chvilin paśla publikacyi zajavy kampanii z asudžeńniem napadu Rasii na Ukrainu i infarmacyi ab spynieńni absłuhoŭvańnia rasijskich klijentaŭ u koł-centr pačaŭsia škvał telefanavańniaŭ ad rasiejcaŭ z pahrozami.
A jašče praź niekalki hadzin kryptabirža papała pad samuju mocnuju DDoS-ataku ŭ svajoj historyi, piša Sunday Times. «Jana była ŭ dziasiatki razoŭ macniejšaja, čym tyja, ź jakimi my sutykalisia ŭ minułym», — kaža Viktar Prakapienia.
Currency.com pieršaj z kryptabiržaŭ pryniała rašeńnie zabaranić dostup klijentam z Rasii.
Prakapienia śćviardžaje, što ŭ jaho było 500 000 rasijskich klijentaŭ.
Prakapienia asudžaje rašeńnie Binance, Coinbase i niekatorych inšych placovak zachavać svoj rasijski biznes. «U finansavaj supolnaści ŭsie pavinny zaniać pryncypovuju pazicyju. Dziejańni Rasii treba asudzić samym rašučym čynam», — skazaŭ Prakapienia brytanskamu vydańniu.
Prakapienia sprabavaŭ łabiravać raźvićcio IT-siektara ŭ Biełarusi, adnak paśla 2020 hoda i fašyzacyi biełaruskaha režymu hety kirunak pajšoŭ pad adchon.
Čytajcie taksama:
Prakapienia sfarmulavaŭ 20 prapanoŭ dla školnaj reformy
Andrej Dyńko: Što nie tak ź idejami Prakapieni pra adukacyju? 8 punktaŭ
Ciapier čytajuć
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY20
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary