Vystupajučy ŭ Tałačynie, kiraŭnik dziaržavy zrabiŭ niekalki źniešniepalityčnych zajavaŭ. Padsumoŭvaje Jury Drakachrust.
Vystupajučy ŭ Tałačynie, kiraŭnik dziaržavy zrabiŭ niekalki źniešniepalityčnych zajavaŭ.
Jon paškadavaŭ ab vychadzie Hruzii z SND. Paviedamiŭ, što na nastupnym tydni sustreniecca z prezydentam Rasiei Miadźviedzievym i vykazaŭsia suprać nieprymalnych umovaŭ Eŭraźviazu ŭ dyjalohu ź Mienskam.
Łukašenka nazvaŭ vychad Hruzii z SND pamyłkaj hruzinskaha kiraŭnictva.Jon vykazaŭ škadavańnie z pryčyny hetaha rašeńnia, i vykazaŭ spadziavańnie, što «projdzie čas, zahojacca rany, i Hruzija vierniecca ŭ SND». Pavodle Łukašenki, heta «farmalny vychad», bo prezydent Saakašvili zajaviŭ, što Hruzija budzie praciahvać vykonvać šerah abaviazkaŭ pa damoŭlenaściach, jakija byli dasiahnutyja ŭ miežach SND.
Prezydent Biełarusi paviedamiŭ, što na nastupnym tydni miarkuje sustrecca z rasiejskim prezydentam Dźmitryjem Miadźviedzievym u Sočy. Łukašenka skazaŭ, što sustreču prapanavaŭ Miadźviedzieŭ padčas niadaŭniaha niefarmalnaha samitu ADKB u Kirhizstanie.
«My abmiarkujem uvieś kompleks pytańniaŭ, jakija nie vyrašajucca», — skazaŭ biełaruski kiraŭnik. Jon vykazaŭ pažadańnie, kab damoŭlenaści na vyšejšym uzroŭni vykonvalisia, a nie blakavalisia na nižejšych pavierchach ułady.
«Tady nia budzie insynuacyjaŭ, kudy pajšoŭ Łukašenka», — padkreśliŭ kiraŭnik Biełarusi.
Jon stanoŭča acaniŭ dyjaloh z Zachadam, ale zajaviŭ:
«Kali niechta na Zachadzie dumaje, što ŭ nas z Rasiejaj papsavalisia adnosiny i my Łukašenku padkrucim, i jon usich złačyncaŭ z turmaŭ pavypuskaje, złamaje zakanadaŭstva, to jany pamylajucca».
Nahadajem, što niadaŭna pamočnik dziaržsakratara ZŠA Filip Hordan padčas vizytu ŭ Miensk zajaviŭ, što Złučanyja Štaty nie mianiajuć svaje padychody da Biełarusi i nastojvajuć na vyzvaleńni palityčnych źniavolenych.
«U nas dobryja adnosiny z Rasiejaj, vydatnyja ŭ nas z Rasiejaj adnosiny. U nas jość prablemy — heta tak. Ale chto ničoha nia robić, u taho prablemaŭ niama», — patłumačyŭ Łukašenka.
Jon taksama skazaŭ, što «kali na Zachadzie raźličvajuć, što šlacham machinacyjaŭ možna zabrać uładu ŭ ciapierašniaj ułady i pieradać jaje apazycyi, to ničoha nie atrymajecca». «Ja chaču, kab eŭrapiejcy viali ščyry dyjaloh i nie sprabavali nas praz kalena sahnuć.
My ŭsio roŭna vyžyviem. U ziamlanki pojdziem, ale suverenitet i narmalnaje žyćcio ludziam zabiaśpiečym», — zajaviŭ Łukašenka.
-
«Treba raździalić adukacyju i biełarusizacyju». Niečakanaja prapanova historyka Cimocha Akudoviča
-
Anarchisty sfarmulavali čatyry punkty, jakija pavinien vykanać Stryžak, kab vyrašyć kanflikt
-
Były palitviazień Siarhiej Šeleh paraŭnaŭ Vaładarku z haścinicaj u Efiopii. Kaža, heta dapamahło ŭspryniać realnaść
Ciapier čytajuć
Kiełahu pakazali kampramietujučyja videamateryjały na biełaruskuju apazicyju? Tak miarkuje Łatuška9
Kamientary