Džaścin Cimbierłejk raskazaŭ, što maje chvarobu Łajma, jakuju pieranosiać klaščy. Bol jon tryvaŭ dva hady na scenie
Śpiavak u svaim instahramie raskazaŭ pra chvarobu Łajma i jak zmahaŭsia ź joj na praciahu dvuchhadovaha turne.
«Nu voś, kali hetyja dva nievierahodnyja hady padychodziać da kanca, i ja z nadziejaj hladžu ŭ budučyniu, ja chaču napisać niešta ad serca. Heta nie prostaja zadača — pasprabavać apisać vichuru hastrolaŭ — ale ja pasprabuju…
Heta byŭ samy viasioły, emacyjny, udziačny, fizična napružany i, časam, źniasilvajučy dośvied. Ja zajmajusia hetym užo bolš za 30 hadoŭ (što hučyć nievierahodna) — i addaŭ usiaho siabie hetamu. Ja nie zmoh by zrabić hetaha biez majoj siamji, siabroŭ i ŭsioj VAŠAJ padtrymki», — napisaŭ Džaścin.
Jon kaža, što źjaŭlajecca davoli zakrytaj asobaj, ale, razvažajučy pra tur i fiestyvalnaje turne — jon zachacieŭ raskazać pra svaje prablemy.
«Siarod inšaha, ja zmahajusia z prablemami sa zdaroŭjem i mnie pastavili dyjahnaz — chvaroba Łajma — što ja havaru nie dla taho, kab vy paškadavali mianie — a kab aśviatlić toje, z čym mnie davodziłasia sutykacca za kulisami. Kali vy pieražyvali hetuju chvarobu abo viedajecie tych, chto ź joju sutykaŭsia — tady vy viedajecie: žyćcio ź joj moža być biaskonca źniasilvajučym — jak psichałahična, tak i fizična.
Kali ja ŭpieršyniu atrymaŭ dyjahnaz, ja byŭ, biezumoŭna, šakavany. Ale, prynamsi, ja zmoh zrazumieć, čamu ja byŭ na scenie z mocnym nieŭrałahičnym bolem abo adčuvaŭ varjackuju stomlenaść ci chvarobu. Pierada mnoj paŭstaŭ asabisty vybar: spynić hastroli? Ci praciahvać i znajści sposab. Ja vyrašyŭ, što radaść, jakuju mnie prynosić vystupleńnie, značna pieraŭzychodzić časovuju stomlenaść, jakuju adčuvaje majo cieła. Ja vielmi rady, što praciahnuŭ», — raskazaŭ śpiavak.
«Ja nie tolki dakazaŭ samomu sabie svaju psichałahičnuju tryvałaść, ale ciapier u mianie stolki asablivych momantaŭ z vami, jakija ja nikoli nie zabudu. Mnie nie chaciełasia havaryć pra heta, tamu što mianie zaŭsiody vučyli trymać takoje pry sabie. Ale ja starajusia być bolš adkrytym pra svaje ciažkaści, kab ich nie ŭsprymali niapravilna.
Dzialusia ŭsim hetym z nadziejaj, što my ŭsie znojdziem šlach da bolšaha adzinstva. Ja chaču zrabić svoj uniosak u dapamohu tym, chto taksama pieražyvaje hetuju chvarobu», — dadaŭ śpiavak.
Kamientary