Łukašenka zahadaŭ nie viartać daŭhi bankam, jakija spynili kredytavańnie prajektaŭ ŽKH
Alaksandr Łukašenka zajaviŭ, što Biełaruś nie pavinna raźličvacca pa kredytach z bankami, jakija pačali i spynili kredytavać abjekty žyllova-kamunalnaj haspadarki. Pra heta jon zajaviŭ na naradzie pa pytańniach funkcyjanavańnia ŽKH, abmiarkoŭvajučy budaŭnictva i rekanstrukcyju sistemaŭ vodazabieśpiačeńnia i ačyščalnych zbudavańniaŭ.
Pierš za ŭsio tut majecca na ŭvazie Jeŭrapiejski bank rekanstrukcyi i raźvićcia, jaki ŭ krasaviku minułaha hoda prypyniŭ finansavańnie dziaržaŭnych prajektaŭ u Biełarusi, a z vosieni 2021 hoda spyniŭ finansavańnie i novych pryvatnych prajektaŭ.
«Heta značyć raniej ź Jeŭrapiejskim bankam rekanstrukcyi i inšymi my damovilisia ab tym, što jany prakredytujuć mnohija abjekty žyllova-kamunalnaj haspadarki. Niekatoryja pačali kredytavać, a potym kinuli, — nahadaŭ Łukašenka.
«Dva momanty. Jak budziem zaviaršać rekanstrukcyju i budaŭnictva hetych abjektaŭ? I druhoje: nie daj boh, chto-niebudź z vas pačnie raźličvacca pa daŭhach z hetymi bankami. Jany nie vykanali ŭmovy damovy — da pabačeńnia, pakul nie viernucca da vykanańnia hetych damovaŭ», — cytuje Łukašenku jahonaja pres-słužba.
Ciapier čytajuć
Kala płoščy Banhałor u Minsku vyras jašče adzin zvyšsakretny abjekt23
Kala płoščy Banhałor u Minsku vyras jašče adzin zvyšsakretny abjekt
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary