Buča. Raźbitaja kałona rasijskaj braniatechniki. Fota kiev.informator.ua.
* * *
drapaje ciemra skarynkaj čerstvaj,
sočycca ŭ horła karmin.
za čałaviečaje słova «źvierstva»
soramna pierad źviarmi.
nie prakaŭtnuć hety chleb drapučy.
vieryš, tavaryš major?
tam, u padvałach piakielnaj Bučy,
serca skanała majo.
bolš nie kranie jaho šept nadziejaŭ,
«hradaŭ» vyćcio, patruli…
mabyć, narešcie raspaviadzie mnie
toj, chto mianie akryliŭ,
što mnie rabić z rasstralanym pierjem,
z vyviernutaściu klučyc?
lepiej by ŭščent skasavać moj termin
tut. i suśviet adklučyć.
lepiej by ja pavažanym zajcam
biehła ŭ viasnu z usich łap,
čym hety bol čałaviekam zvacca.
lepiej ja źvieram była b.
Kamientary