Pa słovach čynoŭnika, ZŠA nazirajuć, što ŭ Chiersonie i Mikałajevie praciahvajucca bai, a rasiejskija vojski ŭsio jašče sprabujuć akružyć Kijeŭ, Charkaŭ, Čarnihaŭ i Maryupal.
Pra heta paviedamlaje CNN sa spasyłkaj na vysokapastaŭlenaha čynoŭnika ministerstva abarony ZŠA, paviedamlaje «Jeŭrapiejskaja praŭda».
Ale prasoŭvańnie sustreła mocny supraciŭ ukraincaŭ, što zamarudziła nastup ruskich.
Miž tym masiŭny rasijski kanvoj na poŭnač ad Kijeva, jaki achoplivaje kala 64 kiłamietraŭ darohi, zastajecca praktyčna na miescy, ale niama infarmacyi ab tym, nakolki jon daloka ad Kijeva. U kancy minułaha tydnia heta było prykładna 25 kiłamietraŭ ad centra Kijeva.
Pa dadzienych ZŠA, jak ukraincy, tak i rasiejcy zachoŭvajuć bolšuju častku svajoj pavietranaj bajavoj mocy, tamu ni adzin z bakoŭ nie maje pieravahi ŭ niebie.
«My ličym, što ŭkrainski narod u bolšaj častcy krainy ŭsio jašče maje srodki kamunikacyi, dostup da internetu i ŚMI», — dadaŭ čynoŭnik.
Čynoŭnik taksama skazaŭ, što ZŠA nie nazirali desantnaha napadu blizu Adesy, i jany nie aceńvajuć, što jon niepaźbiežny.
Čynoŭnik taksama nie zmoh paćvierdzić paviedamleńni ab tym, što rasiejcy mabilizujuć reziervistaŭ.
Ciapier čytajuć
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»40
Kamientary