Minabarony Biełarusi ŭ svaim telehram-kanale abvierhła infarmacyju pra adstaŭku načalnika Hienieralnaha štaba Uzbrojenych sił Biełarusi Viktara Huleviča.
Va ŭkrainskim internecie hulaje dakumient nibyta za podpisam načalnika Hienštaba Uzbrojenych sił Biełarusi Viktara Huleviča, u jakim havorycca pra toje, što jon 4 sakavika padaŭ u adstaŭku z-za masavaj admovy biełaruskich vajskoŭcaŭ brać udzieł u bajavych dziejańniach na terytoryi Ukrainy.
Minabarony Biełarusi 6 sakavika apublikavała abviaržeńnie.
«Pa-pieršaje, načalnik Hienieralnaha štaba Uzbrojenych Sił Respubliki Biełaruś hienierał-major Viktar Hulevič nie moža prasić adstaŭki ŭ ministra abarony Biełarusi, bo ŭ adstaŭku jaho moža nakiravać tolki toj, chto pryznačyŭ — hałoŭnakamandujučy ŭzbrojenymi siłami Respubliki Biełaruś. Pa-druhoje, ukamplektavanaść złučeńniaŭ i voinskich častak Respubliki Biełaruś — 100%. I jany ŭžo vykonvajuć zadačy, tolki na svajoj terytoryi», — paviedamili ŭ biełaruskim abaronnym viedamstvie, dadaŭšy, što podpis na fejkavym dakumiencie taksama padrobleny.
Kamientary