Premjer-ministr Hruzii Iraklij Harybašvili padpisaŭ zajaŭku ab pradastaŭleńni krainie statusu kandydata ŭ ES.
«Siońnia histaryčny dzień dla Hruzii. Ad imia krainy padpisvaju zajaŭku na členstva ŭ Jeŭrasajuzie», — cytuje słovy Harybašvili Newsgeorgia.ge.
Jon dadaŭ, što Hruzija padzialała jeŭrapiejskija kaštoŭnaści na praciahu ŭsioj svajoj historyi, a jeŭrapiejskaja budučynia źjaŭlajecca «prahramaj, vyznačanaj hruzinskim narodam dla ŭsich uradaŭ Hruzii».
«Demakratyja, viaršenstva zakona, abarona pravoŭ čałavieka, dobraje praŭleńnie ŭžo źjaŭlajucca častkaj našaha štodzionnaha žyćcia. My aktyŭna ŭkaraniajem jeŭrapiejskija normy i standarty va ŭsich śfierach — palityčnaj, ekanamičnaj, sacyjalnaj», — padkreśliŭ premjer.
Hruzija płanavała padać zajaŭku na atrymańnie statusu kandydata ŭ siabry ES u 2024 hodzie, adnak, jak rastłumačyli ŭ kiroŭnaj kamandzie, Tbilisi navažyŭsia paskoryć praces «z ulikam palityčnaha kantekstu i novaj realnaści».
Ciapier piać krain majuć status kandydataŭ na ŭstupleńnie ŭ Jeŭrasajuz: Paŭnočnaja Makiedonija (padała zajaŭku ŭ 2004 hodzie), Ałbanija (u 2009), Sierbija (u 2009), Turcyja (u 1987) i Čarnahoryja (u 2008). Pazaŭčora zajaŭku padała Ukraina.
Ciapier čytajuć
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić
Kamientary