Snycina źviarnułasia da rasijskich spartoŭcaŭ: Svaim maŭčańniem vy zhadžajeciesia ź dziejańniami Pucina
Viadomaja biełaruskaja baskietbalistka Kaciaryna Snycina źviarnułasia da rasijskich kalehaŭ.
«Spartsmieny Rasii, asabliva hulcy nacyjanalnych kamand! Nie mnie vas vučyć, što treba rabić, ale ja padzialusia vopytam, jaki, jak akazałasia, ja ŭžo nazapasiła.
Pačałasia vajna, i heta vaša adkaznaść! I čym raniej vy heta ŭśviadomicie, tym lepš. Vy ciapier hetak ža, jak ja ŭsio svajo śviadomaje žyćcio, nie ŭmiešvalisia ŭ palityku i mieli chatu z kraju, bo ličyli, što vas heta nie zakranie.
Ale mianie heta naŭprost zakranuła, kali ja ŭbačyła jak na vulicach majho horada režym zabivaje moj narod, MAICH ZAŬZIATARAŬ!!! Ludziej, jakija ŭsio majo spartyŭnaje žyćcio padtrymlivali mianie jak hulca nacyjanalnaj kamandy!!!
Heta maja adkaznaść, tamu što ja maŭčała!!!
Brać na siabie adkaznaść u realnym žyćci našmat strašniej, čym na placoŭcy. Tut košt pamyłki ŭ miljon razoŭ vyšejšy.
Ale svaim maŭčańniem vy zhadžajeciesia ź dziejańniami Pucina, čałavieka jaki 24 lutaha 2022 hoda abviaściŭ vajnu Ukrainie!
Pra vas nie zhadajuć, jak pra kłasnych spartoŭcaŭ, jakija čahości damahlisia ŭ sporcie. Ale vas mohuć zapomnić jak ludziej, pry čyjoj maŭklivaj zhodzie idzie vajna, ci jak spartsmienaŭ, jakija stali hołasam ludziej! RABICIE SVOJ VYBAR!» — napisała Snycina.
Biełaruski dziudaist Dźmitryj Šeršań źviarnuŭsia da rasijskich i biełaruskich spartsmienaŭ z zaklikam dapamahčy spynić vajnu
Eks-hienieralny dyrektar BATE Michaił Zaleŭski zaklikaŭ spartsmienaŭ spynić treniroŭki i spabornictvy, pakul nie spynicca vajna
Bolš navinaŭ pa temie — u našym ANŁAJNIE
Małady rabotnik «Minsk-Areny» pavinien zapłacić 71 miljon dalaraŭ4
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach99
Kamientary