Pinievič: Kolkaść zachvorvańniaŭ na kavid źniziłasia na 30 pracentaŭ
Śpiecyjalisty ŭžo nie adznačajuć raniejšaj nahruzki na ambułatorna-palikliničnaje źviano, raskazaŭ siońnia ministr achovy zdaroŭja Dźmitryj Pinievič padčas adkryćcia muzieja historyi Biełaruskaj miedycynskaj akademii paśladypłomnaj adukacyi,
«My padličyli, što źnižeńnie zachvorvalnaści na kavid skłała kala 30 pracentaŭ. Śpiecyjalisty ŭžo nie adznačajuć raniejšaj nahruzki na ambułatorna-palikliničnaje źviano. Hetaja chvala charakternaja tym, što špitalizacyja značna mienšaja, čym uvosień, ale ŭsio roŭna ciažkija pacyjenty jość. Tamu važna pryščaplacca, bierahčysia, ni ŭ jakaj miery nie źnižać miery zaściarohi», — raskazaŭ ministr;
«Vakcynacyja i revakcynacyja — adzin ź dziejsnych sposabaŭ. I, apiaredžvajučy vaša pytańnie, tak: vakcyny dziejničajuć i na padvidy štama «amikron», — skazaŭ ministr.
Dźmitryj Pinievič taksama zaŭvažyŭ, što zachodnija krainy całkam paŭtarajuć biełaruskuju madel baraćby z pandemijaj: jany prychodziać da taho, što Biełaruś zrabiła raniej.
Nahadajem, što niekalki dzion u Biełarusi fiksavałasia bolš za vosiem tysiač vypadkaŭ kavidu za dzień.
Maksimum byŭ nazvany 13 lutaha — 8 921 vypadak, u minuły čaćvier — 8 248, u piatnicu — 8 184 vypadki, u subotu — 7856, u niadzielu 7 283 vypadki, učora Minzdaroŭja paviedamiła pra 4 365 vypadkaŭ.
Ale tradycyjna ŭ paniadziełak i aŭtorak paviedamlajucca mienšyja ličby, čym u astatnija dni tydnia.
Ciapier čytajuć
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca8
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara2222
Kamientary